شوية نكت خنيقة بمناسبة الرجوع للدراسة

[The DeViL]

دى يااخوانااا شوية نكت نفيخة
بيستخدموها ف عقاب المساجين عندنا هنا ف مصر



ف ياريت الى عنده السكر او الضغط ميكملش علشان انا مش هتحمل العواقب




واحد بيحب يجرى ويجرى مابيحبهوش

واحدة وقفت تاكسي تقوله اروح المعادي
قالها روحي بس متتأخريش

مرة حيوان خرافى بشنب .. قابل حيوان خرافى من غير شنب .. قاله تلاعبنى رز وبسلة ؟؟ ... قاله ليه ؟ شايفنى شماعة ؟؟ .. قام شادد السنجة وناطط م الاتوبيس وهو ماشى !!

مرة واحد حب طحنوه

مرة واحد نط م الخامس مات !! حرم يعيدها

مرة واحد حب يمشي.....يمشي محبوش

مره واحد راح لواحد بقو اتنين

مره واحد ساب عربيته دايره ........... رجع لقها مثلث

انا مره رحت عزيت رجعت عالسمن

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مرة ظابط طلع على المعاش فتح محل حلوانى سماه ( التورتة فى خدمة الشعب )

مرة واحد شرب قهوة الكراسى وقفت فى زوره

مره واحد بص في الساعه لأقها واحده قالها: تجوزيني ؟؟

مره واحد وقف تاكسى قالو نادى الشمس ......... قاله ناديها انت !!

مرة سمكة غبية ماتت غرقانة

واحد راح للفكهاني لقاه مش موجود

سال طيب مفيش فكهانى تانى ؟

قالوله لا !

قالهم ولا فكتامر ؟؟


واحد مسطول دماغه لفت قابلها من الناحية التانية

واحد بلدياتنا حب يشرب سيجارة حطها ف كباية

واحد بيسأل صاحبه هو أيه الفرق بين تجارة الحشيش وتجارة عين شمس؟
قام صاحبه قال تجارة عين شمس 4 سنين انما تجارة الحشيش أقلها 25 سنة

مسطول مزور ورقة بنكنوت انما 10/10 مع ذلك مسكوه ياترى ليه؟
عشان كان مزور ورقة بستين جنيه



واحد كريم اتحرق بيته، لما جت المطافي حلف عليهم ما يعملوا حاجه لحد ما يشربوا الشاي

مره واحد ابنه طلع من الاوائل شفروه

تلميذ لزميله: هيَّ الهند بعيدة؟
الزميل : لا .. لا مأظنش أبداً .. أصل معانا ف الفصل تلميذ هندي بييجي المدرسة كل يوم الصبح مشي!


مرة واحد انجليزى و واحد فرنساوى و واحد صينى

راحو يجربو صدى الصوت الانجليزى قال هاللو

فرد عليه صدى الصوت و قال هالوووو

الفرنساوى قال بنجور

رد عليه صدى الصوت و قال بنجوووور

الصينى قال شونجا كونجا هونجاهى

فرد عليه صدى الصوت و قال بتقول ايييييييه؟؟؟؟؟؟؟؟؟؟


اتنين صحاب أغبية ...

الاول بيسأل التانى : هو ابوك مكبر علينا كده ليه ؟

التانى : ليه بس حصل ايه ؟

الاول : من ساعة ما مات مبقاش يعدى يسلّم زى الاول

واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ،

والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ،

هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ،

راحت المكنة قالت له الاستاذ شلبى فضل يستهبل لحد ما القطر فاتة

واحد شد حيله اتقطع


مرة واحد اتنين تلاتة

واحد بيقول للتاني : بتحب النكت؟
الثاني : قاله طبعا
الاول : طيب ايه هيا ابوخ نكته
الثاني : مره واحد صحي من النوم وفِطِر

=====================================

كان في مرة واحد اسمه فريكيكو
فريكيكو مبيحبش المكرونة
أمه جابتله مكرونة
وقالتله يا حبيبي كل المكرونة
فريكيكو مرضاش
ٌقامت الأم راحت للعصايا قالتلها روحى اضربى فريكيكو عشان فريكيكو مش عاوز ياكل المكرونة
العصايا مرضتش
راحت للنار قالتلها يانار روحى احرقى العصايا عشان العصايا مرضتش تضرب فريكيكو عشان فريكيكو مرضاش ياكل المكرونة
النار مرضتش
راحت للمية قالتلها يامية روحى اطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة
المية مرضتش
راحت للبقرة قالتلها يابقرة روحى اشربى المية عشان المية مرضتش تطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة
البقرة مرضتش
راحت للجزار قالتله ياجزار روح اذبح البقرة عشان البقرة مرضتش تشرب المية عشان المية مرضتش تطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة
الجزار مرضاش
راحت للظابط
قالتله ياظابط روح اقبض على الجزار عشان مرضاش يذبح البقرة عشان البقرة مرضتش تشرب المية عشان المية مرضتش تطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة

الظابط راح يقبض على الجزار الجزار خاف راح يذبح البقرة البقرة خافت راحت تشرب المية المية خافت راحت تطفى النار النار خافت راحت تحرق العصايا العصايا خافت راحت تضرب فريكيكو فريكيكو خاف راح اكل المكرونة
مره واحد كان باله مشغول
راح حط السماعه

--------------------------------------------------------

مره واحد كسلان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر
-------------------------
مرة واحد من كتر حبه للموبيلات جاب بنت سماها شريحة
-------------------------
واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى
-------------------------
مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة
-------------------------
مره واحد جاب لممته دواء يخليها ترجع 20 سنه وره فتانى يوم راح لها و قال : اه الحلاوه دى و مين العيل الصغير ده قالت: يانهارى أصل أبوك شرب الدواه كله
-------------------------
مرة دبانة سقطت فى كاس خمرة طلعت تقول وسع للنسر
-------------------------
فريق نمل بيلعب ومن ضمنهم صرصار لية...؟ لاعب اجنبى
-------------------------
حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا
-------------------------
واحد ماشى ورا وحدة قالها الحلوة وراها مشوار قالتلة لا وراها حمار
-------------------------
مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح
-------------------------
مرة ترزى ماشى فى حتة مقطوعة خيطها
-------------------------


ارجو ان ميكونش حد نااام ف النص

و مستنى ردودكم بس منغير شتيمة

[waleed A.Hassan]

والله يا مروان يا ديفل أنت عملت الموضوع ، ورديت عليه وقلت رأينا فيه هيبقى أيه ، وعملت حساب الشتيمة كمان ،
وأنا لما هشوفك فى الكلية هبقى أرد عليك كويس ، وهتوصى بالشتيمة نيابة عن كل أعضاء المنتدى .

[dina_m7]

ايه يا ديفل الموضوع الرخم ده بس بجد انا ضحكت على النكت دى من رخامتها مش عشان هى تضحك

[The DeViL]

هههههههههههه
شكرا لردودكم يا جماااعة
وبعدين انا قولت رخامة برخامة بقى
و برضو ادربكم شوية علشان تقدرو تتحملو الترم التانى

[anid alex]

ههههههههههههههههههههههههههههههه
بجد جميله تسلم

[The DeViL]

شكرا لمرورك
و اهلا بيكى على المنتدى

[HaMaDa]

علماء المستقبل لازم تكون دية هيا النكت بتعاتهم
Funny Topic ya Mrwan
thx

[The DeViL]

طبعا طبعا يا حمادة
شكرا لمرورك

[زائر]

حسبى الله ونعم الوكيل

[HaMaDa]

فى مين يا محمود ؟؟؟

[زائر]

فى فريكيكو طبعااااااااا

[waleed A.Hassan]

لوم وعتاب شديد اللهجة لحمادة ،
أزاى تشيل رد العضو محمود الحسينى على هذا الموضوع ، لا لا بصراحة أنا أندهشت ، وأنت أكتر واحد عارف أن أحنا فى المنتدى ده بنفتقد الأراء ذو القيمة البالغة اللى مش بنشوفها غير من العضو محمود ، وده طبعا ً لضيق الأفق الفكرى اللى بنعانى منه كلنا ، أو معظمنا على الأقل ،
لو سمحت ... مش عشان أنت مدير المنتدى ، يبقى تتحكم فينا وفى طريقة تفكيرنا ، وتمسح ردود بتعبر عننا ، وبتنبثق من شعورنا ،
وأعتذر للعضو محمود الحسينى نيابة عن كل أعضاء المنتدى ،
وجزيل الشكر ،

[The DeViL]

جزيل الشكر للعضو حمااااااادة


لازالته المحتويات المخالفة من الموضوع

[HaMaDa]

لا شكر على واجب يا ديفل

[زائر]

ياريت الباشمهندس حمادة يوضح انا ردى كان مخالف فى اية بالضبط؟؟؟؟؟؟؟
الموضوع كان للنكت الخنيق وانا قلت نكتة خنيقة

[HaMaDa]

اولا: حمادة دة مش بشمهندس
ثانيا: النكتة بتاعتك مكنتش خنيقة ,هيا مكانتش نكتة اصلا لأن النكتة بتضحك حتى لو خنيقة
ثالثا: دة طلب صاحب الموضوع وهوا حر فيه
عقبال لما نشوف موضوع ليك المهم ميكونش زى النكتة كدة لأن أوعدك ان مصيرة هيكون نفس مصير النكتة

[زائر]

يا مديرىىىىىىىىىى
((بلااش النكتة))شوية الحروف اللى كتبتهم جنب بعض مخالفين فى اية بالضبط؟؟؟؟؟؟؟؟؟؟؟؟؟؟؟؟

[زائر]

ياريت الباشمهندس مروان يوصح لية شاف الرد على انه مخالف وطلب حذفة؟؟؟؟؟؟؟؟

[The DeViL]

اشكرك على لقب باشمهندس يا حودة لان انا علوم طبيعية و كان المفروض ادخل هندسة


و انا شوفت النكتة بتاعتك مخالفة علشان انا راجل افاقى ضيقة جدا و نيتى وحشة جدا جدا
و ارجو انك تستحمل كل دة علشان انا زى اخوك الصغير برضو
و برضو يارت توجهنا

[HaMaDa]

من غير رجاء يا ديفل
حودة أكيد هيستحمل ويوجهنا كلنا مش انت بس

[زائر]

لا بعد اذنك يا باشمهندس اخوك الصغير اية؟؟؟
انت بالنسبه اللى اكتر من الاخ ودى حاجة تشرفنى وتسعدنى مش انت بس كل الاعضاء معلش مش عاوز اقول اسماء عشان منساش حد

وبالنسبة للرد اللى اتشال ولا يهمك انا مسامح دة طبعا لذوقك فى الرد

ويجعله عامر ان شاء الله

[waleed A.Hassan]

لا بعد اذنك يا باشمهندس اخوك الصغير اية؟؟؟
انت بالنسبه اللى اكتر من الاخ ودى حاجة تشرفنى وتسعدنى مش انت بس كل الاعضاء معلش مش عاوز اقول اسماء عشان منساش حد

وبالنسبة للرد اللى اتشال ولا يهمك انا مسامح دة طبعا لذوقك فى الرد

ويجعله عامر ان شاء الله

أتمنى أن برد العضو محمود الحسينى ، تنتهى كل الحوارات التى تندرج تحت عنوان المهاترات الغير مجدية ، وأتمنى أنى تكون أفاقى ضيقة على رأى محمود و مروان ، وأكون فهمت اللى أنا فهمته غلط ،
وحتى لو كان .. اتمنى أنها تكون بداية جديدة موفقة لجميع أعضاء المنتدى ، لنعمل سويا ً من أجل غد أفضل لمستقبل مشرق يشوبه الغيوم والضباب والرياح ... والزعابيب .
شكرا ً ،

[princess meroo]

نكت جميله جدااااااااااااااا وممكن نغلس بيها على اصحابنا