استفسار ضروري .. ادخل الكلية ولا لأ ؟؟

من طرف Happy-chan الأربعاء أغسطس 03, 2011 11:28 pm

السلام عليكم ورحمة الله وبركاته
مرحبا بكم .. أنا خريجة ثانوية عامة من الشهادات المعادلة
..
تنسيقي بإذن الله 13 أغسطس
وأنا بصراحة ليس لي ميول للطب
نسبتي مرتفعة 96.8 % .. يعني ممكن تدخلني الكليات وانا مرتاحة
بس أنا ميولي للفيزياء أكتر حاجة .. دايما كنت بأحلم إني أدخل كلية العلوم وأتخصص فيزياء
وأكمل دراسات عليا
ويمكن في يوم من الأيام أكون عالمة فيزيائية : )
أنا محتاره بين الهندسة والعلوم
لأنه في ناس كتير قالتلي ان العلوم مالهاش مستقبل وآخرتها مدرسة .. وإن الحظ ضعيف جداً إني أتعين معيدة بعد التخرج
وكمان المواد صعبة جداً ..
وان الهندسة أحسن ..

انتظر آرآئكم .. عايزه أعرف أكتر عن الكلية وهل الكلام دا صحيح ؟؟ برده إيه المواد اللي بأدرسها قبل ما اتخصص ؟؟
والتخصص بيبدأ من أي سنة ؟؟
نصائحكم من فضلكم .. وفقكم الله .. وشكراً لكم ..