انا عارف وانت عارف وكله عارف انت دخلت الكلية غصب عنك بس بجد

[ابوالخير]

مفيش حد فينا كان املة كان الكلية الا قليل بس بجد والله مش عشان انا فى الكلية ولا عشان دة قدري لازم احليه لنفسي مسيرك تكتشف انها اعظم كلية في الكليات واعظم اصحاب واجمل صدفة حصلت فى حياتى انى دخلتها

[chemest man]

احب ما تعمل حتي تعمل ما تحب
هذا هو مبدأي

[aida azab]

كلامكم تمام
وربنا يوفقنا كلنا ان شاء الله
وفعلا بجد الكليه جميله ومحترمه

[DEADMAN]

كل اللي عجبني في الموضوع ده عنوانه

[HaMaDa]

بجد محدش بيعرف قيمة الكلية غير لما بيدخلها و يعيش فيها اول شهر

[toom]

انا عمرى ما كان املى علوم
بس لما دخلتها
الحقيقة تتقال


مغيرتش رايى

[salwa khatab]

وانا كمان عمري ما كان املي اني ادخلها
بس دلوقتي غيرت رايي جداا لاني حسيت اني في اعظم كلية
وبقي عندي قناعة بيها خرجتلنا علماء ولسة حتخرج
وربنا يوفقنا كلنا فيها
اللهم امين

[كارهة الكلية]

فعلا احسن حاجة في الموضوع العنوان بتاعة

[ابوالخير]

شكرا للرد يا كارهة الكلية وانا كنت خايف لاكون زعلت حد منى

[MINO]

بصراحة انا واحد من اللى كانوا بيتمنوا الكلية دى على فكرة احنا فى كلية جميلة بس انتم مش حاسين فكروا فى الكلية دى شوية وفى مستقبلها وحتحبوها

[anid alex]

اعتقد ان ناس كتير مننا عمرهم مافكروا حتى مجرد التفكير في انه
في يوم هيكون فيها وانا من الناس دي كنت بشوفها كتيربس عمري مافكرت
اني هاكون جوها
بس بجد احنا في مكان ناس كتير بتحسدنا عليه
بالتوفيق علمااااء المستقبل

[eltornado]

اللى انا شايفه ان احنا فى كلية جميلة قوى ومحدش هيحس بيقمتها غير لما يتخرج وبعدين ياجدعان انا بقول من الاخر اللى يخاف يطلع بره

[DINA]

بصراحة انا مكنتش اعرف ان فى كلية اسمها علوم بس لما دخلتها لقيت الدراسة فيها متعة

[محمد عبد الرؤف]

بصراحه انا كان نفسى فى هندسه وده كان حلم عمري بس الحمد لله دخلت علوم وانشاء الله تكون احسن كليه وبجد الانسان هو اللى يقدريخلى الكليه حلوه ولا لو الواحد دخل اى كليه بس فرض نفسه واثبت نفسه فيها انا محمد اولى علوم قسم جيولوجيا

[رحمة]

انا عجبني الموضوع اوي ولكن انا هسال سوال وارجو الرد علية بسرعة وبصراحة انا رايحة اولي علوم السنة دي انا كنت بحب الكلية دي اوي وامنية حياتي اني ادخلها وكنت بذاكر عشانها ولكن كل الناس اللي بيتكلموا معي علي علوم يقولوا انها صعبة وكمان ملهاش مستقبل كمان والدي خائف من مستقبالها وعرض عليا دخول تجارة انجليزي وبعدها يكون احتمال الشغل اكبر ويقدر يشغلني الان محتارة بين الكلية الي بحبها وقالوا مالهاش مستقبل وبين الكلية اللي ممكن ادخلها وبعد الانتهاء منها استطيع العمل ارجو الرد بسرعة وشكرا واسفة علي الازعاج

[DINA]

باباكى عندوا حق تجارة انجليزى مستقبلها احسن كتير ونصحتى ليكى ادخلى تجارة انجليزى

[رحمة]

طبعا شكرا جدا جدا علي الرد والاهتمام بالموضوع بس انت دخلت الكلية برغبتك ولا علي حسب المجموع وهل فعلا الكلية مجالات العمل بها بعد ذلك محدود وشكرا

[jellly]

اعملي اللي انت حاسه انك حباه من قبل ما تسمعي اي حاجه (دا رايي) الكليه دي عاوزه مذاكره و على فكره النظام الجديد اسهل و بشهاده isoمعتمده لسوء الحظ انا نظام قديم

[نورهان ابو رواش اولي علوم]

الله يطمنك