سؤال محيرني

[THE STAR]

سؤال محيرني


ادخل واقول رايك
احنا ليه ياجماعه كليتنا ملهاش حظ بين الكليات الاخري يعني دايما الناس اول كلمه تقولها عن الكليه لما تدخل كليه العلوم ديه صعببببببببببببببببه قوي مش كلمه مبروك زي طالب هندسه مثلا
احنا كمان ملناش لقب بين الكليات وانا عارفه ان الكليه حلوه جدا وانا مقتنعه بيها قوي بس في موقف ضايقني جدا كان علي التليفزيون برنامج جايب احد المخترعين الجدد وكانت فكرته حلوه قوي وراحت المزيعه قالت اقوللك ايه يا كذا باسمه ......ولا يااستاذ رد وقال قولي باسمه من غير اللقاب يعني لو كان مهندس كانت قالت
وانا نفسي نغير تفكير الناس بس نعمل ايه وكمان احنا ملناش نادي ترفيهي او علي الاقل ننضم لاي نادي

[dina_m7]

معلش يا ستى متزعليش حنعمل ايه نصيبنا كده الحمدلله هى بس الناس واخده عنها فكرة انها صعبه جدااااااااااااااااا وبتشفق على اللى بيدخلها عشان كده بيكون ده رد فعلهم

[ahmed kassem]

نصيبنا كده مع انها و الله مش فارقه

[ahmed kassem]

احنا شوية و حنمشى على ايدينا من كتر ما الناس بتشفق علينا اساسا

[waleed A.Hassan]

والله أنا شايف أن الألقاب للى بيدور على ألقاب
لأن لو الواحد فى كليتنا أجتهد ، وأشتغل كويس حيبقى فى موضع أحسن من الدكتور والمهندس ،
وسيبك من كلام الناس ، لأنك لازم تعرفى أنك فى وسط لا يقدر العلم ، وأنا شخصيا ً لا أقدر الجهل - أظن الكلام مش محتاج توضيح أكتر - وعشان كده أنا مبيهمنيش كلام الناس .
ثم أن الناس تشفق عليا ، لأن كليتى صعبة ، أحسن من أن الناس تحتقرنى لأن كليتى فاشلة ، وشكرا ً على الموضوع .

[زائر]

فى مثل

بيقلك القرد فى عين امه غزال


كل واحد شايف كليتة احسن كلية والباقى اى كلام
وشايف القسم بتاعة اهم قسم والباقى كلام
وهكذا دواليك

[AMR ABD EL.HAKIM]

لا أزاى يا جماعة وضعك فى شغلك بأذن الله هيحدد لقبك مع أن اللقب مش مهم المهم تبين أنك كفأ بمكانك والأهم من ده وده المرتب يبقى تمام
ثم ياجماعة أحنالينا نادى أوزى كده بجانب سينما أمير وكمان أول ما تخلص كلية بتعمل حاجة كده زى كارنيه نقابة وبتدفع كل سنة كام ملتوش ولما توصل لسن معين هيدوك معاش حاجة رمزية كده ألا حد يعتمد عليها وميدورش على شغل بس أحنا بنقول ألى يجى منه أحسن منه .

[مالديني]

لقبنا كيميست
احنا نسينا ولا ايه يا جماعه
وعلي فكره بجد اللي يزعل من استغراب الناس مننا يبقي غلطان
لان دي في صالحنا
بمعني اننا في مجتمع مش بيقدر العلم
وكوننا في مؤسسه علميه بقدر كلية العلوم و بنحبها و بنجتهد فيها ده شرف لينا
و لازم ا نشاء الله نكون قد المسؤوليه دي
مش مهم الناس شايفانا ازاي ولا بينادونا بايه
المهم احنا نحصل علم نافع و نزوده و نطبقه في حياتنا و نوسع مداركنا و نستغل وجودنا في مكان زي ده
والله بجد حتحسوا بقيمة كلامي ان شاء الله لما تتخرجوا
انا كنت في الجيش بلاقي كل حتارم و تقدير من القاده بتوعي لمجرد ان اسمي خريج علوم كيمياء .. ولله الفضل و الحمد
و بالنسبه للشغل صدقوني المجال واسع جدا جدا و اكتر من اي كليه تانيه
لكن محتاج بحث و تحري و نشاط و استعداد كويس
وفقكم الله

[rodina]

والله يا جماعة انا باسمع عن كلايتنا انها صعبة جدا من اقبل ما ادخلها وانا زى كتير من الناس مدخلتهاش برغبتى ولكن الواحد بيرجع ويقول ده نصيب وما دام انا دخلتها لازم اجتهد فيها واحاول احبها وانا شا يفة ان كلام الناس عنها انها صعبة ده اكيد حافز ليك ويخليك تجتهد اكثر واكيد لو انت مجتهد هتقدر تثبت نفسك فى عملك ان شاء الله ................ وربنا يوفقكوا جميعا

[الطفلة البريئة]

انا بجد معاكم فى كل اللى انتم قلتوة ومش عارفة ازود حاجة لانك قلتم كل اللى انا عايزة اقولة بجد كليتنا اجمل كلية بين الكليات اللى موجودة واللى يجتهد فيها بيكون حاجة بجد وانا برضة زيكم كل اللى يسالنى انتى فى كلية اية اقولة فى علوم يقولى صعبة وحتخرجى منها معقدة بس انا شايفة غير كدة ويا ريت تكونوا زيى لا تتاثروا بكلام اى حد واحنا بادينا من تقديرتنا نبين ليهم احنا اية ومن شغلنا برضة واكيد انتم فهمنى

[amr alaa el din]

بيقولك كلام الناس لا بيقدم و لا يأخر

[jellly]

اده اده لا لا! كليه العلوم جميله و على فكره هي دي الكليه اللي انا كنت عاوزه ادخلها و على فكره هي مش صعبه المناهج بس طويله شويه بس الحمد لله بنعدي و كل واحد بياخد على قد ما اجتهد اه و بالنسبه للقب ما بيفرقش !!! على فكره كليتنا في طريقها للقمه كمان سنتين و لا حاجه هتلاقيها في القمه و الناس كلهم هيتمنو يدخلوها .....على فكره كليه العلوم هي اساس كل الكليات العلميه هي اللي اتفرع منها الطب و الصيدله و المعلومات عندنا هي الاصل و هم بيدرسوا التطبيقات !!!

[fatma]

اهم حاجة فى الانسان هى عمله مش لقبه ولا اسمه وعلى فكرة كلية العلوم بتهذب من اخلاق دارسيها وبترفع من مستوى تفكيرهم وطموحات خرجيها جامدة جدا ولو تتبعت مسار اللى اتخرجوا منها وكانوا بيحبوها هاتلقوهم عملوا حاجات منتهى الروعة ...... والله فكرة تعالوا كل واحد منا عارف قصة واحد من الاشخاص ديه يحكيلنا عليها.

[jellly]

yup