نكـــــــــــــــت

[HaMaDa]

ياريت يا جماعة من كل عضوا يباشرنا كدة بالنكت الجديدة علشلن نضحك مع بعض
وطبعا نراعى قواعد المنتدى و رجاء عدم استخدام الالفاظ غير اللائقة

و انا هبتدى و ياريت ميكونش دمى تقيل

مرة فى مدرس فى لجنة امتحان شاف طالب بيغش و قاله "من غشنا فليس منا"
بس الطالب مسكتش و قال للمراقب "من راقب الناس عاش هما "
**************************************************************
في طالب في الجامعة كان عنده مادة من المواد اللي بيدرسها مختصة
بعالم الطيور ..ولما قرب امتحان المادة آخر السنة .. الطالب راجع
وراجع لغاية ما طلعت عينيه..
المهم.. دخل الامتحان وهوه واثق مليون فالميه إنه جاهز وينجح وبتفوق
كمان..
المفاجأة إن الأستاذ قابلهم بسؤال واحد بس ..
السؤال كان عبارة عن صور لرجلين بعض الطيور..
والمطلوب معرفة أسماء الطيور من شكل رجليها بس...
صاحبنا إتعصب وضرب لخمه وكان هيعيط ومعرفش يحل السؤال.. راح قايم
من الكرسي وراح للأستاذ وراح مسلم ورقته فاضيه وقاله:
حرااااااااااااام انا ضعت
رد عليه الإستاذ ببرود وقاله: اعتبر نفسك سائط في المادة يا بابا..
شويه كده.. لاحظ الإستاذ إن الطالب ما كتبش اسمه على ورقة الإجابه ..
قاله بنرفزه : أومال فين اسمك يا ولد ؟
قام عمنا رافع
بنطلونه لفوق لغاية روكبه
وقاله: ...أعرف اسمي من شكل رجليا
******************************************************
غبى شاف سوداني لابس جلابية بيضة ... قاله دي اول مرة اشوف ثلاجة موتورها لفوق
******************************************************
واحد طلع برج القاهره .... وكان بيشب من السور وهو بيتفرج ... فطبعاً وقع .... وهو في السكه قال
ابقى عيل لو طلعت البرج ده تاني
***************************************************
كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا
*************************************************
واحد سوداني اتجوز واحدة سودانية خلفوا ولد أشقر و عينيه زرقا سموه رجل المستحيل
************************************************
واحد صعيدي مات جاله خمس ملايكة اتنين يحاسبوه و تلاتة يقنعوه انه مات
***********************************************
ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم
***********************************************
واحد أعمى فتح من الفرحة اتشل
********************************************
اتنين صعايدة بيلعبوا شطرنج, الأول كل للتاني الحصان, التاني سمله البهايم

يا رب يكونوا عجبوكوا

[SKY WALKER]

حلوه جدا

[SKY WALKER]

انا كمان جبت نكت و ياااااارب تعجبكم

مره واحد بيقول لصاحبه تعرف ان اول عيد جواز بينى وبين مراتى خدتها فسحتها وديتها اليابان؟ صاحبوا رد عليه قالو

ف اول عيد جواز توديها اليابان!! قالو امال لو مر 20 سنه على جوازكم هتعمل
ايه؟ رد عليه وقالو هروح اجيبها



مفتش تاريخ راح مدرسة ثانوي سأل العيال في الفصل مين اللي قتل علي بيك الكبير فمحدش

جاوب . . المدرس راح شاخط فيهم أنطقوا يا جزم مين اللي قتله فيكم هتودونا في داهيه . . .
المفتش اتجنن راح نازل للناظر قاله على اللي حصل الناظر قاله هدي أعصابك وأنا هأحلهالك . . بس حضرتك متأكد إن اللي قتله من الفصل ده ؟



صعيدى شاف فى الجرايد حادثه واحد فى امريكا قتل مراته ودفنها تحت

السرير والبوليس الأمريكى لم يكتشف ذلك الا بعد 25 سنه قام قال لنفسه
يبقى انا لو عملت كده البوليس عندنا مش حيكتشف ابداً راح فعلاً قاتل
مراته وحفر تحت السرير وحطها مفيش ربع ساعه والبوليس
قبض عليه فتعجب قوى وسأل الظابط انتم ازاى كشفتم الجريمه بسرعه قوى
كده ده فى امريكا ماكتشفوهاش الا بعد 25 سنه رد
عليه الظابط اصل فى امريكا الراجل كان ساكن فى الدور الأرضى وأنت ساكن
فى الدور الخامس

[HaMaDa]

شكرا يا باشا
نورت التوبك

[DEADMAN]

نكت جمية اوي عايزين اكتر

[aida azab]

نكت جميله جدا
شكرااااااااااااااااااااااااااااا

[HaMaDa]

شكرا لمروركم
و ان شاء الله الجديد قريب

[Princess]

نكت حلوة قووووووووووى.

[HaMaDa]

نكت حلوة قووووووووووى.

شكرا لردك

[كارهة الكلية]

هههههههههه حلوة اوي اكتر حاجة عجبتني هي امتحان الطيور

[THE STAR]

هههههههههههههههههههه
جميله جدا

[salwa khatab]

ههههههههههههههههههههههههههه
نكت حلوة اوي وعجبتني اوي بتاعت امتحان الطيور دة
ونكت سكاي كمان حلوة بتاعت الصعيدي