بشرى سارة لكل المدخنين !!

[dina_m7]

التدخين يزيد خطر الاصابه بالصلع ؟؟

اكتشف العلماء جانبا سلبيا آخر للتدخين إذ قد يؤدي إلى الصلع بين بعض الرجال.

والصلع بين الرجال عملية وراثية أساسا ويرجع سببها جزئيا إلى الهرمونات الذكورية.

ووجد الباحثون أن الرجل الآسيوي، الذي يقل في العادة احتمال إصابته بالصلع عن نظيره الغربي، يزيد لديه احتمال الاصابه بانحسار الشعر في حالة التدخين.

جاء ذلك في دراسة شملت 740 رجلا تايوانيا بلغ متوسط أعمارهم 65 عاما.

وقام باحثون بمستشفى في العاصمة التايوانية تايبييه بجمع معلومات عن السن الذي يبدأ فيه الرجل في فقد شعره والعوامل التي قد تؤدي إلى ذلك.

ووجد الباحثون أن خطر فقدان الشعر يتزايد مع التقدم في العمر ولكن ظل معدل الخطر أقل لدى الرجل الآسيوي بالمقارنة بنظيره القوقازي.

ويرى الباحثون أن التدخين ربما يقضى على خصلات الشعر أو يدمر الخلايا المحيطة بجذوره والتي تقوم بتوزيع الدم والهرمون.

يذكر أن التدخين يرتبط بالفعل بعدد من الأمراض مثل السرطان ومشاكل القلب.

ومن المعروف أيضا أن التدخين يؤدي إلى زيادة احتمال الاصابة بتجلط الدم والأزمات القلبية والسكتة الدماغية وغيرها من المخاطر الصحية على حياة الانسان.

كما يرتبط التدخين أيضا ببعض مظاهر الشيوخوخة مثل التجاعيد والشعر الرمادي

[waleed A.Hassan]

يا دينا ... يعنى أنتى سيبتى جميع أنواع السرطانات اللى ممكن تصيب المدخنين ، وجيتى بتتكلمى فى الصلع ، مش فارقة .. أهو كده كده ميت ، سواء بشعر أو من غير شعر ،
وشكرا ً على الموضوع ،

[The DeViL]

شكرا يا دينا على الموضوع
و عايز اسألك انتو مالكم مستلمين المدخنين اليومين دول

الناس دى بتتعب يا جماااعة حرام عليكم
ملحوظة (( انا مش مدخن وربنا )) :

[HaMaDa]

تصدق معاك حق يا ديفل فعلا الناس دية بتتعب اوى
كفاية ان ضرايب علبة السجاير الواحدة بتوصل ال500% وطبعا انت عارف ان الضرايب دية بتتبنى بيها مستشفيات ومدارس علشان نتعلم ونتعالج فيها
احنا فعلا ظالمنهم

[dina_m7]

يا جماعه احنا مش مستلمين الناس دى عشان نرخم عليهم وخلاص
الناس دى بتضيع نفسها بايديها وكل يوم نكتشف ان فى مرض تانى سببه التدخين
لازم بيعرفوا هما بيعملوا ايه ف نفسهم وننصحهم لان المدخن ده ممكن يكون والدك او خالك او عمك او اى حد قريب منك واكيد الناس دى تهمنا جدا
ردا على وليد كل الامراض اللى بيسببها التدخين مكتوبه تقريبا بس يمكن موضوع الاصابه بالصلع دى هى الجديده فبالتالى كانت محور الموضوع
وميرسى لردودكم جدااااااااا

[The DeViL]

والله يا دينا الى بيدخنوا دول بيبقى عنهم عشرتاشر حجة علشان يقابلوكى بيها
دة غير ان كتير منهم بيبقوا مش مقتنعين اصلا انا التدخين دة مضر
و ممكن كمان يثبتولك بمليون دليل انه مفيد كمان
وربنا يتولاهم والله

[dina_m7]

لا الناس دى مفيد امل منها خالص انها تسيب التدخين لوحدها كده الا بقى لو ربنا هداهم او لا قدر الله راح للدكتور باى سبب وهوة اللى اقنعهم بكوارث التدخين بنفسه

[Rafeasultan]

شكرا جزيلا على المعلومة يا اخت دينا
على فكرة انا نفسي اصلع علشان شعرى مش عاجبنى
و كمان مشوار الحلاق اثقل مشوار على قلبى
بس يا ريت تشوفىلى حاجة غير التدخين
علشان ما يبقاش شعر ضايع و فلوس و صحة كمان
شكرا

[jellly]

but ppl in taiwan have pretty hair and i think they have less baldness than middle east
right?