عرفـت.فـ تعلمـت؟؟

[anid alex]

[center]عرفت فتعلمت

عرفت ان هناك دائماً من يفكر بك في الوقت الذي تشعر فيه بقمة الوحدة

فتعلمت ان ابعد الناس عنك قد تكون انت اقرب الناس اليهم






عرفت فتعلمت

عرفت ان من ظننتهم اتفه البشر هم فعلاً اعقلهم

فتعلمت انه احياناً من العقل ان تكون مرحاً







عرفت فتعلمت

عرفت ان الانطباع الاول ربما يكون خاطئاً.. وربما الانطباع الثاني ايضاً

فتعلمت الا احكم على انسان الا بعد فهمه جيداً









عرفت فتعلمت

عرفت اني اعيش في زمن الخيانة والكذب والطمع



فتعلمت الا اعيش كالملاك في زمن الشياطين








عرفت فتعلمت

عرفت انه من الصعب ان اكره انساناً قد احببته .. ولكن ليس مستحيل



فتعلمت ان بين الصعب والمستحيل مجرد خط رفيع جداً








عرفت فتعلمت

عرفت انه من السهل جداً ان احب انساناً قد كرهته



فتعلمت ان الحب من اقوى المشاعر وابسطها واجملها







عرفت فتعلمت

عرفت انه لايجب الهروب من الحقيقة حتى وان كانت قاسية

فتعلمت ان عذاب الواقع افضل من التمتع بجمال الوهم








عرفت فتعلمت

عرفت ان الابتسامة وقت الهزيمة من سمات العظماء



فتعلمت ان ابتسم في الوقت الذي يتوقع الجميع مني فيه البكاء








عرفت فتعلمت

عرفت ان الماضي لم يعد مهماً وان الحاضر سيحدد المستقبل



فتعلمت ان اخطط لحاضري حتى لا يصبح مستقبلى كالماضي










عرفت فتعلمت

عرفت ان اجمل ما حدث لي كان مجرد صدفة



فتعلمت ان اجمل الاشياء تأتي عندما لانتوقعها







عرفت فتعلمت

عرفت ان الخير ليس دائماً فيما اريد فقط



فتعلمت ان ارضى بقدري وان كان فيه عذابي







عرفت فتعلمت

عرفت ان الاناني يأخذ كل شيء ولا يعطي اي شيء

فتعلمت من تجاربي ان الدنيا ..تملؤها الانانية[/center]

[waleed A.Hassan]

شكرا على الموضوع الجميل ،
بس أنا هختلف معاكى فى النقطة التانية ،
لأنى عرفت أتفه البشر ، وفعلا ً وجدت نفسى خاطئ فى الحكم عليهم ، لأنهم طلعوا أغبى وأحمق مما كنت أتصور ،

[dina_m7]

موضوع هايل جدا
وفى مقوله كمان بتعجبنى جدا
ان الانسان الغبى هوة اللى بيتعامل مع الناس اكنهم اغبياء
ميرسى على الموضوع مرة تانيه

[waleed A.Hassan]

موضوع هايل جدا
وفى مقوله كمان بتعجبنى جدا
ان الانسان الغبى هوة اللى بيتعامل مع الناس اكنهم اغبياء
ميرسى على الموضوع مرة تانيه

والله يا دينا لو على الجملة اللى بتعجبك .. فأحب أقولك أن الفلسفة الفارغة أحيانا ً بتفشل فى رسم صور صحيحة للواقع ، وبتكتفى بجمل ذات أيقاع معين ، لا تمط للحقيقة بأى صلة - ممكن تمط لنهاية فيلم ( كده رضا ) لأحمد حلمى ،
ومعتقدتش أنك مقولتيش على حد قبل كده أنه غبى - غيرى طبعا ً على حد تعبيرك ،
وأحمد الله على هذا القدر المحدود من الذكاء - الغباء على حد تعبيرك - فهو صفة لا أستطيع التدخل فيها ، وهو أفضل من صفة تصلح عنوان كى يندرج ردك الجميل تحته ، وأتمنى أنك بالذكاء الكافى لكى تعرفيها ، لأن صعب أتنين أغبياء - على حد تعبيرك - يبقوا فى منتدى واحد ،
وللعلم .. أننى لا أقبل أن أكون بطلا للمهاترات التافهة ، فى حالة رغبتك فى الرد ، وأتمنى عدمه ،
شكرا ً دينا ،

[زائر]

والله انت محترم يا وليد عشان لما بنت تقلك انك غبى ومبتعرفش تتعامل مع الناس وترد عليها باسلوب مؤدب كدة

وطبعا حمادة باشا الكبير بيلعب SWAT ومش فاضى يشوف الردود الللى تستحق الحذف
انا من موقعى هذا بطالب بحذف عضوية دينا نهائياااااا ادة لو معتذرتش لكل اللى فى المنتدى على الاهانة الصارخة للعضو اللول اوى وليد

[The DeViL]

شكرا انيد موضوعك الجميل اوى
واتمنى ان مش كل ما ادخل موضوع على المنتدى الاقى الردود ف وادى و الموضوع ف ناحية تانية خالص علشان اعتقد لو حد دخل بالصدفة كدة على منتدانا هيقول علينا ناس لاسعة
و لو مكناش هنقدر نعمل كدة ياريت يعنى نكتفى بكلمة شكرا للى كتب الموضوع و مالوش لازمة نختلف مع صاحب الموضوع

[dina_m7]

انا اول مرة اشوف التعليق على ردى والله دلوقتى
واقسم بالله (عمرى ما ححلف كدب لاى سبب او عشان اى حد ) انى مكنتش اقصد اى حد فيكم خااااااااااااالص انا كنت بتكلم عن نفسى لانى كنت بتعامل مع ناس وعارفه انهم اغبيه وف الاخر اكتشفت انهم اذكى منى بكتير جدا وان انا اللى غبيه والموقف ده حصل قبل كتابه الموضوع ده بيوم فحبيت اكتب المقوله دى للسبب ده ومش عشان احمد حلمى قالها ف فيلم لا عشان هى عجبتنى فعلا وكنت حاسه بيها انها صح اوى بعد الموقف اللى حصلى ده
على فكرة
انا مش بقول كده عشان خايفه من حد فيكم ولا عشان اعتذر لحد لانى مغلتطش ف حد اصلا ومش ذنبى انك اخدت الكلام عليك يا اخ وليد
واسفه جدا يا ديفل انى خرجت عن الموضوع منفذتش اللى انت عايزه واللى هوة عندك حق جدا فيه بس كان لازم اوضح سوء التفاهم ده
وميرسى لذوق الاستاذ محمود الحسينى

[HaMaDa]

والله انت محترم يا وليد عشان لما بنت تقلك انك غبى ومبتعرفش تتعامل مع الناس وترد عليها باسلوب مؤدب كدة

وطبعا حمادة باشا الكبير بيلعب SWAT ومش فاضى يشوف الردود الللى تستحق الحذف
انا من موقعى هذا بطالب بحذف عضوية دينا نهائياااااا ادة لو معتذرتش لكل اللى فى المنتدى على الاهانة الصارخة للعضو اللول اوى وليد

اولا شكر خاص جدا لـ anid alex على الموضوع الاكتر من هايل
ثانيا معتقدش إن وليد محتاج كلامك علشان يعرف انه محترم
ثالثا انت متعرفش حمادة دة علشان تقول انه بيلعب SWAT
رابعا ودة الاهم انت اصلا ملكش موقع فى المنتدى هنا علشان تطالب بأى حاجا اصلا
انت مش اكتر من عضو عادى جدا ,دة لو مكنتش اقل من العادى كمان
ومتفكرش مجرد التفكير انك توقع بين اتنين اعضاء فى المنتدى هنا هما ممكن يكونوا مختلفين فى وجهات النظر مش اكتر لكن اكيد هيتفاهموا فيها بدون اى تدخل من جنابك
بس انا عاوز اقلك حاجا موقعك فى المنتدى دة الى بطالب بيه بحاجات مش من حقك هيتسحب قريب اوى اوى
ورأيك فى اى موضوع تانى يا ريت تحتفظ بيه لنفسك لانه اكيد مش هيهم حد من الاعضاء
ورأيك فيا سواء ديكتاتور أو اى حاجا مش عاوز اعرفه لأنه ميهمنيش اصلا
انا مش بهتم غير برأى الناس الى انا مقتنع بتفكيرهم بصراحة لكن انت كل رد ليك فى المنتدى بيخليك تقل فى نظرى اكتر من الرد الى قبله
كنت منورنا يا حودة الفترة الى قضيتها معانا فى المنتدى ديه بس للأسف افضل اعيش فى الظلمه علشان كدة هنضطر نستغنى عن جنابك وكلنا أسف لكده

[waleed A.Hassan]

من غير حلفان يا دينا ، أنا مصدقك ،
بس رجاء الملاحظة .. لما أنا أعلق على الموضوع وأقول أنى عرفت أغبياء ووجدتهم أغبى مما كنت أتصور ، وأنتى تدخلى ورايا وتقولى أن الغبى هو اللى بيتعامل مع الناس على أنهم أغبياء ، مستنية منى أيه ...؟
ده أنا أبقى غبى فعلا ً لو مخدتش الكلام عليا ، ووالله أنا أستغربت من ردك ، لأنى كنت أتوقع حماقة وقلة ذوق وأنحطاط أخلاقى زى ده ييجى من حد تانى ، بس الحمد لله أنى فهمت غلط ،
وعلى فكرة .. أنا لسة عند رأيي بالأغبياء اللى عرفتهم ، لأنى شوفت نتائج هذا الغباء تتجسد أمامى ، وفيه ناس غبرى أجزمت بهذا الغباء ،
أنصحك بعدم تعميم القاعدة السالف ذكرها ، وربما عليكى مراجعتها .. لنفسك أولا ً ،
وأوعدك أنى لو وجدت نفسى خاطئا ً ، لن أتردد لحظة فى الأعتراف بهذا الخطأ .. وعلى صفحات هذا المنتدى ،
شكرا ً ،

[dina_m7]

شكرا يا وليد وانا فعلا غلطانه لانى مركزتش اصلا ف تعليقك بجد اللى كان قبلى واتكلمت عادى وبعدين اكتشفت انك اخدت الكلام عليك وفعلا كان عندك حق عامه حصل خير على كل حال ومتشكرة انك لغيت فكرة انى حمقاء وعندى قله ذوق وانحطاط اخلاقى (رغم انى زعلت انك فكرت فيا بالطريقه دى بس حقول ان كان عندك حق )

[زائر]

طاااااااااااااااااااااااااااااااااااااااااااااايب يا حمادة

[jellly]

you all suck...... making a problem from nothing...
pfff