للناس اللي داخله كيميا فيزيا دي المواد التي سوف يتم دراستها

[chemest man]

بسم الله الرحمن الرحيم


لكل الشباب اللى داخل تانية كيمياء فيزياء انا قلت اقولكم على المواد اللى هتدرسوها ...وهعلق على كل مادة وده طبعا رأيى الشخصى وليكم حرية الاختيار


أولا المواد : الترم الأول والتانى هما اربع مواد أساسية -كيمياء-فيزياء-رياضة-حاسب ألى.

الترم الاول: الكيمياء:فرعين Aliphatic,Aromatic نصيحة لوعايز تجيب تقدير او بتفكر فى كيمياء سبشيال لازم تاخد كورس او رفع كفاءة....الفرعين طواااال جدا والمحاضرات مش هتفيدك بس لازم تحضر اخر كام محاضرة من كل فرع لان الامتحان بيجى منهم

الفيزياء:اربع فروع real gas,ideal gas,electronics,energy resourses انا شايف انها مش صعبة بس المهم انك تتابع المحاضرات وتعرف اللى اتاخد فى كل محاضرة وذاكر من ورق الكورسات

الرياضة:البحتة والتطبيقة تكملة لبتوع اولى ترم اول بس الفرق ان البحتة والتطبيقية فى سنة تانية هيجولك كلهم فى ورقة امتحان واحدة,البحتة مش صعبة بس المهم تابع المحاضرة كويس واهتم بالبحتة دى لانها هتكمل معالك بعد كدة وبالنسبة للتطبيقية غلسة اوى وصعبة وانت ورزقك لو اداك التطبيقية كمال مصطفى هتفهمها وهتكون سهلة اما لو ادالك التطبيقية دكتور تانى فهتلاقيها صعبة

الحاسب الالى : سهل جدا جدا بس ابعد عن اى ورق بتاع كورسات لانه بيودى فداهية من الافضل انك تحضر المحاضرة وتكتب كل كلمة بتتقال فيها او تصور المحاضرات من حد بيكون كاتبها كويس.وانا قريت ان احتمال مادة الحاسب فى الترم الاول تتلغى والله أعلم

بالنسبة للترم التانى

الكيمياء:فرعينphysical,analytical نفس الكلام بتاع الترم الاول بس الفرق ان اللى هتدرسه فى نظرى الanalytical هو بالظبط الى هتدرسه فى العملى وبصراحة الفرع ده شيق جدا وخللى بالك من الرياضة والحسابات لانه محتاج انك تكن بتعرف تحسب كويس

الفيزياء:اربع فروع physical optics,physical instrument,atomic physics,statistical physics بغض النظر عن مسميات الفروع انا انهم يخضوا وانا قعدت شهر على ما عرفت انطق statistical physics ومعناها الفيزياء الاحصائية وهى الفرع الوحيد السهل وبيعتمد اعنماد كلى على الحفظ ودرجته فى الامتحان مضمنة واسئلتة هى هى اللى بتيجى كل سنة ونفس الكلام بالنسبة لل atomic physics اما الفرعين التانين غلسين جدا يعنى من الاخر لازم تاخد كوورس او رفع كفاءة او تصور ورق الكورسات بس يكون الورق لمعيدين كويسين

الرياضة :مش صعبة بس المهم تتابع المحاضرات ولازم تشترى ورق الكورسات

الحاسب: هنا خلى بالك ان حضور السكشن مهم جدا زى حضور المحاضرة بالظبط وهو سهل بس حاول انك تفهم متحفظش لأن الامتحان بيجى فيه تفكير شوية

اتمنى بجد انكم تستفيدوا من رأيي وتعليقاتى على المواد ......ولو حد عايز أى حاجة انا فى الخدمة


منقووووووووول من موضوع العضو ahmed hassan في المنتدي القديم
الف شكر ليه


وربنا يوفقنا جميعا

[aida azab]

شكراااااااااااااا
افادكم الله
والله منتدى لذيذ جدااااااااااا

[HaMaDa]

شكرا يا باشا

[dina_m7]

ميرسى ربنا يخليك يا كيمست والله استفدت منك جامد كنت بجد عايزة اعرف حاخد ايه وايه نظام المواد متشكرة ليك اوى

[toom]

شكلها شمط

[chemest man]

يا عم انت بس ادعي وان شاء الله تعدي علا خير بس من اولها بقول يا جماعه
العضويه
لو مش ماشي فيها يبقي الكلام علا كورس او رفع كفاءه

[mohamed adel]

شكلها سنه دمار فى المذاكره ايه يا ابنى الاسامى الغريبه ديه
عقدتنى
ياريتك ما قولتلى

[salwa khatab]

ياااااااااااااجمااااااااااااااااااعة تفاءلوا
ان شاء الله حتبقي سنة كويسة وكل واحد يتعلم من اخطائة السابقة
وكما قال الرسول صلي الله عليه وسلم تفاءلوا بالخير تجدوه صدق رسول الله
بلاااااااااااااااااااش تعقييييييييييد
انتو في كلية العلماااااااااااااء
لازم يبقي عندكوا عزيمة مش معقول كدة
ولا ايه؟؟؟؟؟؟؟؟؟؟؟؟؟؟

[chemest man]

يا جماعه بجد ذاكروا وانتو حتلاقوا العمليه سهله قوي

[ahmed hassan]

يا شباب انا كنت كاتب المواد اللى هتدرسوها مش عشان اخليكم تتعقدوا بس هى دى الحقيقة.......وأهم حاجة انكم بلاش تستهونوا بالمواد حتى لو كنتم شايفنها سهلة لأن المواد السهلة هى اللى بتوقع فى الاخر

[chemest man]

فعلا يا احمد
انا اسف اني كنت نقلت الموضوع بس كنت عاوز انقله قبل المنتدي ما يتمسح انا بعتذر

[turky002005]

ربنا يسهلكم الحال وتكون سنه جميلة عليكم

بالتوفيق بازن الله

[aida azab]

ان شاء الله
تكون سنه جميله

[ahmed hassan]

فعلا يا احمد
انا اسف اني كنت نقلت الموضوع بس كنت عاوز انقله قبل المنتدي ما يتمسح انا بعتذر

ولا يهمك يا عليوه المهم ان زمايلنا اللى داخلين تانية يستفيدوا بالموضوع

[The DeViL]

شكراااا ياااا باااشاااا ع الافااادة العظيمة دى والله مكنتش عااارف اى حاااجة

نورتنا ياااا ريس بجد

[الطفلة البريئة]

انا بجد متشكرة جدا على تعاونك وعلى المواد واللة انا شايفة انها ان شاء اللة حتبقى كويسة المواد دى وربنا يسهلها علينا كلنا وتبقى سنة سهلة

[jellly]

XD everything in the begining seems to be hard but it becomes easy and piece of cacke after a while hahaha