ازاى تسيطر وتبرمج عقلك الباطن ؟

من طرف dina_m7 الأربعاء أغسطس 27, 2008 7:54 pm

بقدره من الله عز وجل .. جعل لكل إنسان قدره داخليه بالتحكم في تصرفاته وما يبدر منه نتيجة لتخاطب داخلي مع نفسه.
وعشان تسيطر على عقلك الباطن لازم تعرف ايه هو العقل الباطن وايه عمله وايه صفاته وازاى تتخلص من الأمراض والعادات والسلوكيات السيئة عن طريق السيطرة عليه
ايه هو العقل الباطن ؟ العقل الباطن هو مركز للعواطف والانفعالات ومخزن الذاكرة
ويحتوي على كل المعلومات والصور المخزنة وغيرها من الحاجات اللى بيستخدمها الإنسان في حياته

- بيحفظ كل المعلومات القديمة منذ طفولتك
2- بيحتفظ بالحاجات اللى بيعتبرها العقل العادي شي عابر وملهوش قيمه
و يؤثر بصوره مباشرة على ذهن الإنسان وتصرفاته حتى لو كان مش واعى ان التغيير ده حاصل من جواه
فمثلا: ليه الإنسان بيكون في أحيان كتيره واثق جدا من نفسه في شي معين بعدها حد يقول تعليق السخيف على طريقته ف التفكيرلو تقبل الشخص الكلام ده وبدا بالتفكير فيه بدا الكلام ده بالتسرب للعقل الباطن ويبدا الشخص بالفعل في عدم الثقة بنفسه وتهتز صورته أمام نفسه وده بيحصل كتير ولكن لو لم يسمح الشخص للآخر بالتقليل من عزيمته فان الأمور حتم على خير باذن الله
فى كتير مننا بعض الأوقات ممكن يتعرض لازمه نفسيه وده لعدة أسباب زى الخوف أو القلق من نتيجة و الفشل في اختبار أو حب وتلاقى الإنسان ده بدا في الانعزال والنوم كتير والابتعاد عن الناس وغيرها

وعشان نعالج المواقف دى لازم نتبع الاتى ...
اولا تجنب الشكوى الدائمة ألانها بتحسسك بان بالفعل فى مشكله كبيره
وثانيا خليك ديما فاكر ان فى ناس كتيره جدا بتعانى من المشاكل واكتر من مشاكلك كمان يعنى مش انت الانسان الوحيد ف الدنيا اللى عنده مشكله
وثالثا لو حصلك اى فشل ف حياتك او حاله نفسيه سيئه حاول بقدر الامكان انك تخرج من الحاله دى بسرعه عن طريق اصحابك المرحيين اللى حيلغوا التفكير السلبى عندك بطريقه غير مباشرة
ورابعا بلاش تحط لنفسك خطط كبيره اوى عليك وتفشل ف تنفيذ الخطط دى لكن حط خطط محكمه وليها كل الاحتمالات
واخيرا خليك فاكر ان كل حاجه بتعملها محسوبه عليك وخلى عقلك يخزن كل حاجه بتمر عليه ويستفيد منها