ممكن نتناقش ف موضوع ؟؟

[dina_m7]

انا عايزة اتكلم معاكم فى حاجة كده لاحظتها كتير وكلنا اكيد بنشوفها
ومع الوقت بقت شىء عادى بالنسبة لأسر كتير.......

وبقت تبتدى فى سن صغيركمان من اعدادى ومش بعيد من ابتدائى

تلاقى زى ما عادل امام بيقول العيال مأنتمين مع بعض .....

ننزل من البيت نلاقى اللى واقفين يحبوا ف الشارع وناقصلهم 2 لمون وشجرة

ندخل الكلية نلاقى الكابلز تحت الشجر او بيتمشوا ف الكليه طول اليوم

وعجبنى جدا
حتة فى فيلم حب البنات أشرف عبد الباقى قالها (( احنا كل مشكلتنا الحب يإما
هنقابل ناس بتحب ومش عارفة تقول للى بتحبه , يا إما ناس بتحب أوى واللى
قدامها مبيحبهاش , يا إما ناس مش لاقية اللى يحبها ......))

هو ليه الموضوع ده بقى شىء عادى ومحدش بيفكر فى
الحاجة دى قبل ما يعملها ؟ليه معظم الشباب بيبقى داخل الجامعة
وحاطط فى دماغه انه يرتبط فى فترة الجامعة رغم انه ميقدرش
يشيل مسؤلية ولا يعرف مستقبله هيوديه على فين ؟ يعنى من
الآخر ميعرفش هو هيبقى اد كلمته ولا لأ؟

انا عايزة اعرف رأيكم ايه فى الارتباط غير الرسمى ؟ والانتشار الرهيب له اللى بقى بلا قيود الا فى قليل من العائلات ..

وهل فعلا الحب محور حياتنا زى ما بيقولوا ونسينا
كل حاجة تانية مهمة ؟


أسفة أنى طولت عليكم وياريت محدش يزعل دى مجرد مناقشه واراء والاختلاف ف الراى لا يفسد للود قضيه

[HaMaDa]

اولا شكرا ليكى يادينا انك طرحتى الموضوع دة
وانا كنت عامل حاجا زية كدة على جروب الكلية على الفيس بوك
ثانيا طريقة عرضك للموضوع هايلة اوى

** انا بشوف المناظر دية كتير اوى
لكن رأى فى الارتباط غير الرسمى انه هبل ونوع من مظاهر النضج المبكر بس فى الاخر برضة هبل لان هما الاتنين بياخدوا مصروفهم من اهلهم ومحدش يعرف هيبقى اية بعد لما يتخرج دة لو اتخرج اصلا وهل ممكن يعيش الى بيحبها دية فى المستوى الى هوا بيتمناهولها ولا لا
وبالنسبة للحب محور حياتنا ولا لا متهيقلى دة بيعتمد على الشخصية نفسها

بس انا بحب الزمالة الى بإحترام بين الزملة وبعض
عموما دة رأى ولوحد عندة اعتراض يقول

[dina_m7]

انا موافقه جدااااااااااااااااا على رايك يا حماده هوة ده الصح فعلا بس انا عايزة حد كده مرتبط يقول رايه ف الموضوع من وجهه نظرة لانه عاش التجربه دى او مر بيها واكيد حيكون ليه وجهه نظر مختلفه

[زائر]

والله ما هبل ولا عبط ولا عدم مسئولية
ليه بقى
1_ بيديك خبرة فى التعامل مع الجنس الاخر لوافترضنا انك مسكت نفسك و مرتبطش هتيجى تخطب اوتجوزاوتدور على شريكةحياتك ممكن تتخدع بكل سهولة (تبقى زبون يعنى)يبقى كدة هو مش هبلل

2_ استحالة يعنى الناس الملفورة دى كلها عبط مش ممكن يعنى
يبقى كدة هو مش عبط

3_ احلى حاجة فية بقى ان انت مبتبقاش شايل اى مسئولية
مبيبقاش الا مذاكرتك واللى بتبحبة فبتقدر تعيش حياتك وتقدر تدى اللى معاك واللى معاك يديك من اهتمام وكدة
طبعا لو انت عندك مسئوليات تانية بتاخد جزء من حياتك فتاخد معاها وقتك وعقلك وتفكيرك فمبتقدرش تعيشة صح (اقرب مثال الحب بعد الجواز بيقل بدرجة كبيرة عشان المسئوليات الا طبعا فى حالات خاصة اللى اصحابها بيقى عندهم خبرة اللى بيبقى اكتسبوها من التجربة والتعامل) راجع بند واحد

4_ الحب دة لوصح ممكن يدفعك لحجات كتيرة حلوة مثلا ان انت تجتهد وتذاكر عشان تعيشها فى مستوى كويس كمان بيخلى تعاملك مع الناس لطيف جدالانك بتبقى شايف الدنيا حلوة فبتلاقى دمك بقى خفيف ومبتحبش تزعل حد منك


الموضوع بقى بتاع بتاخد مصروفك من ابوك معلش يعنى ياعم حمادةما ابوك اللى بيجوزك و بيصرف على جوزاك مفرقتش كتير يعنى

حكاية ميعرفش هيبقى اية ومستقبلة هيودية على فين كل دة فى ايد ربنا ولا هو ولا اى حد يعرف هيبقى اية ولا هيتخرج ولا لا( يعنى مش هو لوحدة بس)

وأخيرااا
اللى جعل الموضوع دة صح ولا غلط فى ناس بتضحك على بنات او بتضحك على نفسها او بيخلوا الحب دة بياخد طريق وحش بس كل حاجة ليها اضرار زفوائد حتى السجاير


سؤال بقى وتجاوبنى علية بصراحة لما بتشوف المناظر دى بزمتك بتبقى مش نفسك تحب زيهم؟؟؟؟؟؟؟؟؟؟؟؟؟؟؟؟؟؟؟؟؟؟

[HaMaDa]

ولو جاوبتك بصراحة يا حودة هتصدق
لا مبيكونش نفسى اعمل زيهم لانى بستحقرهم اصلا سواء الولد او البنت
بس دة مش معناه انى معرفش بنات بس كلهم زمايل مش اكتر بنهزر ونتعامل وعادى جدا بس بإحترام
لكن كل الى بشوفهم فى الكلية بيكون الاحترام معدوم اصلا

[dina_m7]

مع احترامى لرايك يا محمود انت شخصيه متناقضه جدا لانك ف اى موضوع ف المنتدى الفنى بترد بالايه دى
بسم الله الرحمن الرحيم
وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ صدق الله العظيم
ولما لقيتك كاتب رد ف الموضوع ده توقعت انك حتكون 100% ضده ولكن لقيت العكس تماما مع وجود ادله لصحه رايك .... لا تعليق
ثانيا اذا كنت مقتنع بفكرة جدا فمتفتكرش ان كل الناس بتفكر زيك والدليل على كده رد حماده على سؤالك
واخيرا ميرسى لردك الطووووووويل جدا ده بجد عرفنا من خلاله شخصيتك ورايك ف الموضوع

[زائر]

مع احترامى لراى حضرتك

مش متناقض جدا بقى اسمها منافق جدا

انا كنت هبقى منااااااافق لو كنت قلت غير اللى قلتة لان دى وجهة نظرى العلمانية الغلط ولان انا بعمل الحاجة دى

فمش هينفع اقول انها حرام وانا بعملها

ثانيا 70 فى المية من الشباب كدة الا من رحم ربك زى الاستاذ محمد لان دى فتنة اصلا

بس يا جماعة احنا كدا مبتناقش المفروض اللى يقول راية التانى يعقب علية على جزئياته يمكن يقدر يفيدة ويغيرة راية دة

[The DeViL]

موضوع جميل فعلا و انا شايف المناقشة اشتدت كمان
و دى حاجة بتزيد الموضوع حلاوة
و مهما اختلفنا فى الموضوع دة فأحنا ديما هنتفق ان الحب دة حاجة جميلة
و كمان غريزة ف الأنسان
علشان كدة مش ممكن حد يستغنى عنه طبعا
سواء الحب دة كان بين الشخص و بين عائلته او بينه و بين صحابه
و اكيد ممكن برضو بينه و بين الجنس الاخر
وانا شايف ان دى حاجة عادية جدا و طبيعية
بس فى حاجة مهمة جدا
ان الانسان يعرف يختار الانسان المناسب و الوقت المناسب كمان علشان يقدر يستمتع بالحب دة و بالأنسان الى هو اختاره علشان يكمل معاه
بمعنى ان اى حد يحب بنت معاه ف الكلية دى حاجة شبه مرفوضة لان هو مينفعش يربط مصير انسانه بيه و هو المفروض ان هو مش عارف اى حاجة عن نفسه اصلا
يعنى لو انتو مثلا عندكم 18 سنة دلوقت البنت دى مش هينفع تستناه كمان 10 سنين اكيد لحد لما يكون نفسه ( دة لو لحق يعمل فيهم حاجة اصلا )
يعنى اكيد لازم البنت دى تكون اصغر منه
ولازم يستنى لما يبقى مستعد للحب دة لانه اكيد مسئولية
مش معنى كدة ان الحب عيب لكن معنى كدة ان الانسان لازم يختاره بعناية
و شكرا لحسن استماعكم

[dina_m7]

عندك حق يا ديفل طبعا احنا مش معترضين على فكرة الحب نفسها لكن بتناقش ف وقته وبس وكمان لازم الانسان يفكر قبل اى حاجه ولازم ديما عقله يسبق قلبه ف اى قرار وميرسى لردك جدا
وبالنسبه لمحمود انا قولت انك متناقض وهوة ده اللفظ اللى قصدته
لكن انت اللى اتهمت نفسك بالنفاق ودافعت عن نفسك كمان مع العلم ان محدش قالك كده اساسا وميرسى لردك

[زائر]

مع احترامى لراى حضرتك . واهم حاجة فى الدنيا دى الاحترام
ازاى يختار الوقت المناسب؟؟؟؟؟؟؟ وازاى تكون البنت اصغر منه ؟؟؟؟
وكل الاقوال المأثورة عن الحب انه ملوش معاد وبيجى لوحدة ومينفعش تقول انا نازل ادور على واحدة احبها وعاوزها اصغر منى

الحب بيجى فى ثانية ملوش وقت ومواعيييييد (زى الجونين بتوع فلافيو ربنا يسامحة)

ياريت الانسة دينا توضحلنا الفرق بين التناقض والنفاق؟؟بلييييييييييييييييييييييييييييز

[dina_m7]

تختار الوقت المناسب يعنى مينفعش تبقى حضرتك طالب لسه ومتعرفش اى حاجه عن مستقبلك وترتبط وياريت متقولش دى حاجه بايد ربنا طبعا كل حاجه بايد ربنا بس احنا بنفكر بايجابيه شويه مش بنتواكل وخلاص
اما البنت تكون اصغر منك ف ده شيىء طبيعى لانك يوم ماحتتجوز باذن الله اكيد حتتجوز واحده اصغر منك ف السن عشان اللى ف سنك دى اكيد حتكون اتجوزت عقبال ما حضرتك تكون جهزت نفسك انك تكون صاحب بيت (بتكلم على ارتباط رسمى مش ارتباط غير رسمى انت طبعا كان ليك حق تندفع لانك كلامك على الارتباط الغير رسمى بس )
بالنسبه للاقوال المآثورة فاحنا اكيد بنفكر ف كل حاجه مش عشان فى قول ماثور بيقول حاجه ننفذه وخلاص وللمرة التانيه بقول احنا مش ضد فكرة الحب نفسها احنا بنتكلم عن وقته اللى يتنفذ فيه يعنى مش عشان حبيت وحده بما انه ملهوش وقت وبيجى ف ثانيه زى جونين فلافيو ربنا يخليه يا رب تروح تقول للبنت لا استنى لما تبقى جاهز وروح اخطبها هوة دة الصح اللى نقصده
اما بقى الفرق بين النفاق والتناقض اللى الاستاذ محمود طالب منى اوضحله بالحاح
التناقض هو الجمع بين امرين لايجتمعان ابدا اى الجمع بين نقضيين ف ان واحد وده اللى قصدته انت ضد الاغانى رغم انك مرتبط عشان تاخد خبرة ف التعامل مع الجنس الاخر على حد قول حضرتك ده مش تناقض !!!!
اما النفاق هو ان يظهر الانسان ايمانه وهو ف باطنه كاذب يعنى النفاق له علاقه بالايمان الظاهر والباطن ومحدش طبعا قالك كده
انا اسفه جدااااااااااااااا على التطويل بجد

[HaMaDa]

بما ان كلامنا كلة مش عجبك يا حودة
انا عاوز اسألك سؤال وياريت متطولش فى الرد لانى بكسل اقراه كلة
بما انك بقى مرتبط
هل الى بيحب ممكن يضحى علشان الى بيحبها ولا يقلها استنى لما اكون جاهز وتفتكر دة مش هيكون ظلم ليها
مستنى ردك وبلاش تطول ارجوك

[زائر]

هية لو بتحبة من غير ما يقول هتستناة لان الكورة هتبقى فى ملعبها
قصير خالص اهوووووووووووووووووووووووووو

[HaMaDa]

طب ودة ميعتبرش ظلم ليها ؟؟؟

[زائر]

يعتبر ظلم ليها ازاى
من ناحية اية
؟؟؟؟؟؟؟؟؟؟؟؟؟؟؟؟؟؟؟؟؟؟؟

[HaMaDa]

من ناحية انه ظلمها انها تبقى أم فى الوقت المناسب

[زائر]

ولية متقلش انها تضحية؟
لازم الاتنين يضحوا هو ضحى انه علق نفسة بيها ربط نفسة يعنى
وهى لازم تضحى بردة

[HaMaDa]

هوا مضحاش لانة لو كان يقدر كان اتجوزها كان اتجوزها ومكانتش دينا عملت التوبيك من الاول

[زائر]

لا ضحى لانه ممكن بعد مايحبها يقابل ناس احسن منها بمراحل بس ساعتها هيفتكر العهد اللى خدة على نفسة وهيضحى
ستش اس
ممكن يقابل واحدة كويسة ماديا او مش طالبة منه كتير ودمها خفيف وحلوة ساعتها هيسبها وهيضحى بعيشة جاهزة مقابل حبه لها

[HaMaDa]

لو كان بيحبها بجد مش هيشوف واحدة احسن منها

[زائر]

مش هيحس بواحدة غيرها
انما هيشوف ويقابل ويتعرف ويلاقى طرق كتير مفتوحالة شاب متعلم ومثقف ويشرف اى حد
هو بقى هيعزف(مش هيعزف على الجيتار)هيعزف عن الطرق دى ويصبر معاها ويتمسك بيها وهيضحى بسعادة مادية مقابل حبها لية

[The DeViL]

واضح ان المناقشة بقت جامدة اوى
و الموضوع سخن جدا
و دى حاجة جميلة و عموما احب اضيف حاجة
ودة مجرد رأى مش حاجة ثابتة يعنى ((ان الواحد ف الكلية المنيلة الى احنا فيها دى لازم يعزف "على رأى حودة " على حاجة واحدة بس -----> ان هو ينجح كل سنة منغير ميطلع بمواد )) و بعد كدة لو لقى نفسه راجل متفوق و شغال تمام يبقى يفكر يحب بقى و يظبط و يعيش حياته

[زائر]

الراجل دة بيتكلم صح
بس حلوة
Happiest When
TALKING WITH BEATIFUL GIRL

جامدة

مستنى رد الكبير بتاعنا؟؟؟؟؟

[waleed A.Hassan]

أولا ً : أشكر دينا على الموضوع ، وأعتذر لحمادة مقدما ً لأنى هطول فى الرد ، وأنا عارف أنه مش بيحب الردود الطويلة بس بصراحة الموضوع مهم ،
ثانيا ً : أنا شايف ميكانيكا الموضوع فى منتهى الروعة ، بمعنى أن دينا كتبت الموضوع ، وتركته للنقاش الساخن بين العضوان محمود الحسينى و حمادة ، وكلما أشتعل الحوار ، كلما دخل العضو الديفل للتهدئة ، ويقوم بعمل أضافة ، ثم يشتعل الحوار مرة أخرى بين العضوان السابق ذكرهم ، ثم يعود الديفل للتهدئة ، وعمل أضافة ... وهكذا ، وده شئ جميل ، لأنه بيصب فى بوتقة أختلاف وجهات النظر التى تعمل على توسيع الأفق الفكرية لدى الجميع .
ثالثا ً : أما عن رأيى فى الموضوع ، فلازم نعرف أن الحب شعور جميل ، ولازم علشان نحس بيه صح ، أن يتواجد ما يضمن لهذا الحب الأستقرار ، وما ينفعش أبقى أنا غير مستقر ماديا ً ، وطالب منى أن أستقر عاطفيا ً ، ساعتها هيبقى حب مش كامل ، لأنه أتبنى على مشاعر غير مكتملة يشوبها أضطراب نفسى ، زى حب المراهقة مثلا ً ،
رابعا ً : رغم أعتراضى على كلمة الحب من أول نظرة ، أو ( القفش ) على رأى تامر حسنى ، لأن الحب مش بس شكل وشعور بأرتياح لهذا الشكل ، الحب شكل وفكر وأخلاق وطباع ، ألا أننى أسجل كامل الأحترام لمن يؤمن بهذا المبدأ ،
وأسف على التطويل مرة أخرى ،
وجزيل الشكر لكل من ساعد على أشتعال هذا الموضوع .

[HaMaDa]

اولا مفيش داعى للاعتذار يا وليد كلامك كتير بس جميل و بصراحة انت اجبرتنى انى اقراه كلة
ثانيا رأيك جامد وجميل جدا بس يا رب محمود يقتنع بيه