رد: ممكن نتناقش ف موضوع ؟؟

[waleed A.Hassan]

جزيل الشكر- مرة أخرى - ل HaMaDa

[sarah yakout]

اولا هاى عليكم انا بصراحه اخدت فكره عامه عن كل الردود اولا شكرا لدينا لأن الموضوع فعلا مهم وبيشغل بال كل الشباب
اولا يا جماعه بعيد عن الحرام والحلال لأن ده شئ مفروغ منه
ثانيا احنا لو فهمنا يعنى ايه حب والله هنلخص على نفسنا كتير كل شاب مفكر انه بالكلام الحلو والمقابلات والعيشه الى عايشها كده يبقى بيحب طبعا ده غلط بس انا مش هتكلم فى كده دلوقتى عشان مطولش عليكم
للاستاذ الى كان معترض انا هجبلك الموضوع من الاول خطوه بخطوه اولا انت داخل الكليه وواخد فكره انها غير طبعا فى التعامل والعلاقات وكده يعنى بيكون عندك استعداد اصلا لكده ماشى يا سيدى قابلت واحده وحبتها وحبتك حلو كده هتعد معاها اد ايه سنتين مثلا؟ مش هنكر عليك هتكون فرحان وممكن هيا كمان هتيجى لوقت الجد البننت الى كانت مبسوطه معاك وفرحانه بكلامك ليها مش هيهمها فيك غير حاجه واحدة بس انك تكون راجل معتمد على نفسك ده غير انك هتحتك بأهلها الى اكيد تفكرهم غيرك اهم حاجه عندهم هتعتمد عليك انت ازاى وبتشتغل ايه ده غير انك قاعد معاها بقالك تقريبا ثلاث او اربع سنوات يعنى حفظتها تقريبا وصدقنى والله والله هتبقى الحياه بعد الزواج منتها الملل ده غير انما بنى على خطأ فهو خطأ وعلى فكره مش ده كل كلامى بس انا مش عايزه اطول عن كده

[AMR ABD EL.HAKIM]

السلام عليكم ورحمة الله وبركاته
أنا هطول على سيادتكم شوية وهتكلم من عدة من وجهات النظر
أولا الموضوع مقسم لجزئين الجزء الأول منظر وقوف الشباب مع البنات والجزء التانى الزواج الغير رسمى
لو هتكلم عن الدين محدش يتحجج أنها زملتى وزى أختى وأنا بحافظ عليها و أحسن من غيرى الدين بيقول (ولا متخذات أخذان)كلمة صريحة ومريحة يعنى ربنا بيقول لنا أنه مينفعش ومن الغيرقانونى أن الولد يكون له صديقة بنت تمام ثانيا تخيل فى يوم من الأيام أنك شوفت أختك فى المنظر ده هتكون راضى وعلى كلا اذا فعلت كده أكيد هيحصل فى أختك وغيرهاااا من لحمك كده هتقولى ده مش ممكن ده أنا أختى كذا وكذا هقولك أنت أصدق ولا الله ورسوله ,الله ورسوله بيقلك يا بن أدم الدين لا ينسى والديان لايموت فافعل ماشئت فكما تدين تدان
العملية فمهاش فصال وأنا عارف أن المعظم ممكن يرد عليه ده أنا بنتكلم زى الأخوات وحيكى وميكى والله لوترضى لأختك أنها تكلم مع شان ساى فى نفس أخلاقكك خلاص يابنى توكل على الله ثم مهما كان منضحكش على نفسنا وهو ده الكلام الصريح ألى بتحاول تهرب منه أنك تقف وتكلم مع بنت دى شهوانية أساسا (شهوة عاطفية أو شهوة الكلام مع البنات )وهكذا وربنا أعلم بميكانيكا الأنسا فعطانا الكيكانيزم بتعها وقال من أستطعاع منكم الباء فاليتزوج ومن لم يستطع فعليه بالصوم فهو أحفظ و أيضا قال الشيطان يجرى مجرى الدم فضيقوا عليه بالصيام .
من الناحية التانية زى ما قال فى الرد السابق أنت ياأخى شبعت منها أنما على النقيض ممكن تحب وتعجب وتتزوج وتكون محوش لزوجتك كل الكلام الحلو الجميل هتكون لسه خام زى ما بيقولوا طاقتك العاطفية فى عزها هتخرجها للى بتحبها وبس يا بختها
أنما أخينا ألى واقف طول النهار مع حبيبته هيجى يفكر فى يوم و.........................والكلام ده حصل والله فعلا بين أسواركلية علوم
بعد قصة حب شنيعة و أتفاق على الزواج ورضا الأم والأب فكرفى الأخر وفلسع وأخد غيرهااااااا(من حقه يغير موده)
ثم أخيرا للناس ألى يتقف مع بنات كتير أعتقد الأنسان ده هيبقى ناقص عند زواجه وكذلك البنت لأن أكيد زوجته مش كاملة لأن مفيش حد كامل هيفكر فى سالى ألى كانت فيها الميزة الفلانية وسامية ألى كانت بتسمعنى وشادية وهكذا والكلام ده بجدمش بهزار
وأخيرا وليس أخير الزواج الغير رسمى أنا مش هتكلم فى الدين لأنكم طبعا عارفين رأيه بل حكمه فى الموضوع
بقى يابنت الحلال أبوكى وأمك يتعبوا فى تربيتك ويخلوكى أنسانة محترمة رافعة راسك وتبقى الناس معجبة بيكى وتيجى سعتك بكل سذاجة تهدى كل ألى عملوه وتكون مكسورة وملكيش دهر ولا سند من أهلك يعنيك فى مشاكلك ويفرح فى فرحك ومتدهمش حتى أبسط حقوقهم فى الفرحة بيكى وكمان على أخر الزمن هنعوق والدينا مصيبة تانية وأنت كمان للشباب مش البنات بس .

[dina_m7]

واضح ان فى ناس كتير فعلا بتفكر ف الموضوع بجد وبطريقه صح جدا وده الاهم انا بجد بشكركم جدا على المشاركه ف الموضوع وفعلا اراءكم كانت رائعه ومفيده جدا وبجد كل واحد اضاف وشاف الموضوع من منظور مختلف وده كان الغرض من المناقشه ف البدايه اننا نلم الموضوع من كل اطرافه ونوصل لنتيجه اكيده
من الواضح جدا ان الموضوع ده مرفوض سواء من الناحيه الدينيه او الدنيويه وياريت يبقى مخنا اكبر من كده ونفكر ف مستقبلنا اللى لسه بيتبنى ونتقى ربنا ف اى حاجه بنعملها

[AMR ABD EL.HAKIM]

هو ده القرار ألى أنا مستنيه

[jellly]

yawn get something more fun and i think all whats going on is because of those tv series and emitating films Right?