عايز تغيير نفسك ومش قادر .....لازم تقرا الموضوع ده (1)

[dina_m7]

السلام عليكم ورحمه الله وبركاته ,,,
شباب الموضوع ده بجد رائع ولازم تقراومن فضلك متكسلش عشان هوة بجد مهم اوى

يعنى يا جماعه لما الواحد ييجى يكلم شاب من الشباب

يقوله هنفوق امتى من الغيبوبه اللى احنا فيها

هنستعد امتى لاول ليله من ليالى القبر

هنفوق امتى ؟؟ هنفرّح ربنا بتوبتنا الصادقه امتى ؟؟

هنشيل اشواك المعاصى اللى غارزه فى قلوبنا امتى ؟؟



تلاقى الشاب ممكن عينيه تدمع وتلاقى وشه يحمر

وتلاقيه يقولك ياااااااه دنا كل ما اشوف واحد صاحبى التزم او واحده صاحبتى التزمت

كل ما اسمع عن الجنه والنار .. كل ما اسمع درس بيفوقنى ويفكرنى بلقاء ربنا

بحس ان انا مخنوق .. بحس ان انا بعيد اوى عن ربنا سبحانه وتعالى

بحس ان انا حياتى ملهاش معنى .. انا نفسى والله عايز اشوف .. عايز اسيب .. عايز اقرب من ربنا


>( عايز بس مش قادر )<

عايز وحاولت قبل كده بس كل ما اجى احاول نفسى تغلبنى

كل ما اجى احاول انهزم قدام شهواتى .. حاولت قبل كده

وقولت خلاص هسيب السجاير مش هرجعلها تانى

يوم اتنين تلاته اسبوع اتنين .. خلاص يارب انا رجعتلك يارب

نزلت ركبت مع اصحابى تانى فى العربيه

اللى على يمينى ماسك سيجاره واللى على شمالى ماسك سيجاره

قعدت نص ساعه ولا ساعه بينهم مخنوق بقاوم بكل قوتى

فى الاخر ببص لقيت نفسى بمد ايدى بخطف سيجاره من واحد منهم .. ورجعت للسجاير تانى



قولت هسيب البنات .. نزلت النادى قولت خلاص خلاص مش هكلم حد هعد لوحدى

مش هقع ابدا تانى .. شويه لقيت نفسى زهقت قولت طب انزل طب اتمشى كده لقيتهم

انا بنفسى روحت كلمتهم ياااااه دنا عايز ربنا اوى والله العظيم بس مش قادر

>( عايز بس مش قادر )<

دول احنا يا جماعه معظمنا بننتمى للنوع ده اللى نفسه يقرب من ربنا

اللى عايش معذب لانه بيعصى ربنا بس مهوش قادر

وخايف لو رجع لربنا ميثبتش على طريق ربنا سبحانه وتعالى

انت عارف النوع ده ربنا نزله سوره كلموا فى القرآن .. سوره من السور اللى بنقراها كتير جدا

بنقراها مرارا وتكرارا فى صلاة المغرب والعشا والفجر .. تتصور ربنا سماه ايه ؟؟

عارف ربنا سماه ايه ؟؟ سمانا ايه '' النفس اللوامه '' فى سورة القيامه

يا جماعه النفس اللى عايشه فى غيبوبه لسه وعايزه صدمات كهربائيه

تفوقها من الغيبوبه اللى هيا فيها اربع صدمات كهربائيه فى سورة القيامه

قال تعالى '' لا اقسم بيوم القيامه '' ده قسم عشان ربنا غضبان

غضبان ؟!! ليه يارب ايه اللى غضب ربنا يا جماعه ؟؟

معاصينا ولا غفلتنا ولا مكابرتنا ولا ادعائنا ان احنا مبنعصيهوش واحنا بنعصيه ليل نهار

لا اقسم بيوم القيامه .. اول كلمه كده يارب يوم القيامه !!

يوم القيامه اللى قال عليه النبى عليه الصلاه والسلام

انه ما من صاحب ذهب ولا فضه > مفيش واحد ربنا اداله ذهب ولا فضه

الا ويأتى يوم القيامه فتصفح له صفائح من نار ويحمى عليها فى نار جهنم

ثم يكوى بها جبينه وجبهته وجنبه

اسمع يا اخى بالله عليك .. اسمعى يا اختى بالله عليكى

كلما بردت احمى عليها فى نار جهنم خمسين الف سنه

طيب انا بقول الحديث ده ليه ؟؟ انا بقوله عشان ناس تصدق

ان فى ناس هتاخد خمسين الف سنه اللى هوه مقدار يوم القيامه

عذاب الرسول بيقولك ايه لا يأتينى الناس بالاعمال وتأتونى بالدنيا

ميجيش شاب زيى وزيك بدروس وشرايط ودعوه وقيام وتهجد وقرآن وصحبه صالحه

وتيجى انت بإيه .. بمعاصى وشهوات والذنوب على كتفك

'' ولا اقسم بالنفس اللوامه '' النفس المذبذبه اللى سطر ابيض وسطر اسود

اللى مره تعصى ومره تطيع .. اللى شويه هنا وشويه هنا

اللى عايزه ترجع لربنا بس مش قادره تسيب المعصيه



مشهد لا نساه ابدا : احد الشباب الله يرحمه توفى .. فنزل واحد اخ ملتزم صاحبنا عايز يعرف مكان الدفنه فين

لقى الاعلان متعلق فى الكليه ولقي اصحابه قاعدين البنات والاولاد يجروا ويلعبوا مع بعض

بيقول قعد يبص كده مذهول يارب هما مش زعلانين !! لا بس مش قادرين يسيبوا المعصيه

بقت عبوديه بقوا مستعبدين مش قادرين يسيبوها النفس اللوامه النفس المعذبه

اللى جواها خير وجواها شهوه .. ييجى يعمل الطاعه مش قادر

انا عايز اروح للدنيا تانى .. ييجى يعمل المعصيه مش قادر انا نفسى ارجع لربنا تانى

معذب وهو بيطيع ومعذب وهوه بيعصى .. معذب وهوه بيصلى التراويح معذب وهوه قاعد على القهوه

ليه ؟؟ لانه مهوش كله لربنا .. النفس اللوامه النفس العاجزه يا جماعه

مش قادر ؟؟ اه مش قادر .. طب تقدر على عذاب النار ؟؟ لا مقدرش

طب تقدر على مقامع الملائكه ؟؟ لا مقدرش

طب تقدر على عذاب القبر ؟؟ لا مقدرش

اللى لو سمعنا صوته دلوقتى الجن والانس هيموتوا من استغاثات اللى بيتعذبوا

بس (لا مقدرش) طب سيب (مش قادر)

اذا كنت مش قادر على نفسك هتقدر على عذاب يوم القيامه ازاى !!

'' ولا اقسم بالنفس اللوامه ايحسب الانسان ان لن نجمع عظامه ''

انتوا فاكرين ايه ؟؟ ساعة البعث وانت طالع ممكن واحد اتقطع مليون حته فى الارض

كل حته بتطير وبتتلم من الحته التانيه .. انت هتتلم حته حته ايد على ايد على رجل لغاية متبقى كامل

اول ما تصحى هتشوف اجزاء الناس بتتطاير كل حته بتروح للجسم بتاعها

والناس بتطلع من تحت الارض والاكفان بتتقطع

'' ايحسب الانسان ان لن نجمع عظامه . بلى قادرين على ان نسوى بنانه ''

السته مليار بنى ادم كل واحد هيطلع وهيرجعله حتى بصمة الصابع بتاعته تانى

السته مليار بنى ادم كل واحد هيجيله الصحيفة بتاعته تانى .. مفيش واحد هياخد صحيفة حد غيره

'' بل يريد الانسان '' عايز ايه الانسان انتوا عايزين ايه ؟؟ '' ليفجر امامه '' يعنى ايه يفجر امامه ؟؟

يا جماعه فى شهوه احنا مسمعناش عنها يا جماعه اسمها (شهوة الفجور)

مركبتش مع سواق ميكروباص قبل كده او '' مشروع '' مشغل كاسيت صوته يسمع ست شوارع

ده لو كان شهوة كاسيت كان شغله على قده

شوفت واحد صاحبك قبل كده ماشى مع ميه وخمسين بنت

لو كانت شهوة نساء كان مشى مع بنت واحده

بس اذن دى شهوة فجور .. شهوة معصيه .. عايز يحس ان مفيش حاجه مقيداه

تلاقى الشاب بياخد نفس سيجاره وينفخه قدامه اوى عايز يحس انه هوه بيتنفى

تلاقى البنت عايزه تبقى بت ستايل ومتحرره واكتر بنت متحرره فى الجامعه ليه ؟؟

'' ليفجر امامه '' مفيش اى حاجه واقفه قدامى

ربنا بيقولك '' ام حسب الذين اجترحوا السيئات '' نهشوها نهش زى الكلب

اللى بيلاقى جيفه وينهشها طب ليه نبقى كده يا جماعه


,,,,,,,,,,,,,,,,,,,,,,,,,,,,,,,,,,,,,,,,,,
الموضوع طويل ومش حينفع يتكتب ف توبيك واحد من فضلك كمله ف التوبيك التانى >>>>

[jellly]

thanks