عايز تغيير نفسك ومش قادر (2)

[dina_m7]

خد بقى عندك اول صعقه نازله على ( عايز بس مش قادر )

'' فاذا برق البصر وخسف القمر وجمع الشمس والقمر ''

برق البصر من الانفجارات الكونيه .. وخسف القمر

خسوف القمر بيحصل لما الارض تبقى محطوطه بين الشمس والقمر

فلما ربنا يقول جمع الشمس والقمر كأن ربنا بيقول اتجمعوا واتطبقوا على الارض ياااااااه

'' الى ربك يوم اذن المسقر '' خد بالك انك راجع راجع ينبأ الانسان يوم اذن بما قدم واخر

كلمه كلمه زى الطالب اللى بيتصحح له الامتحان كده

ذنب ذنب وفى يوم يوم وساعه ساعه

'' بل الانسان على نفسه بصيره '' انت عارف وانا عارف .. انت عارف عينك عملت ايه

عارف ودنك سمعت ايه .. عارف لسانك اتكلم مع مين وقال ايه

انت فاكر لما نزلت الجامعه عينك ماسبتش واحده رايحه وواحده جايه

فاكره وشك اللى مكيجتيه وعصيتى ربنا بيه قد ايه

فاكره شعرك عصيتى بيه ربنا قد ايه

فاكره لبسك عصيتى بيه ربنا قد ايه

ولو مانتوش فاكرين فيه شهود .. شهود الاثبات يا جماعه

ليه بصتلها ؟؟ اصلها كانت حلوه اوى يارب .. والله هتقول كده لربنا يوم القيامه ؟؟

وده ليه سمعت الشريط ده ؟؟ اصل كان صوته حلو اوى يارب .. والله هتقول كده لربنا يوم القيامه ؟؟



فى شاب يا جماعه اتفرج على اغنيه لشاكيرا وبص من البلكونه لقى جارته فى وشه

صمم انه يروحلها .. خبط وعمل انه محصل النور .. دخل اتهجم عليها

قاومته قتلها .. بقى قاتل بسبب الشهوه والمعصيه .. بسبب شاكيرا

هتنفعه شاكيرا يوم القيامه ؟؟ ولا لما يولع عليه قبر نار بقى ايه ساعتها يا جماعه

'' بل الانسان على نفسه بصيره . ولو القى معاذيره ''

هتقول ايه ؟؟ انت عارف انك كنت تقدر .. قادر انك تثبت

عارف انك كان اجمل يومين فى حياتك اليومين اللى انت دخلت فيهم بيت ربنا

عارف ان حياتك وانت بعيد عن ربنا كانها اكتئاب وضيق

انت عارف هتقول لربنا ايه '' ولو القى معاذيره ''

طب يارب طب ارجع ازاى

بس بنسى

عايز تفضل فاكر ؟؟

'' لاتحرك به لسانك لتعجل به '' القرآن والدروس اللى بتتكلم عن القرآن

والشرايط اللى بتكلمك عن القرآن

عايز تفضل فاكر ربنا ؟؟ عايز تفضل فايق من الغيبوبه ؟؟

عايز تاخد حقن يقظه قلبيه تفوقك من الغيبوبه ؟؟

كل ما تيجى عليك خليك دايما بتسمع قرآن وبتحضر دروس

ومع الشرايط خليك دايما مع الاماكن اللى بتفكرك بربنا سبحانه وتعالى



كنا ذكرنا صعقه لو تفتكروا فى بداية سورة القيامه

هنكمل مع بعض التلت صعقات التانيين للى عايز بس مش قادر

عايز يروح لربنا بس الشهوات مغلفه قلبه

بتشده من ظهره ترميه فى الوحل والطين والملذات

الصعقه التالته '' كلا بل تحبون العاجله ''

العاجله الدنيا ادى شاب وادى شاب الاتنين اهم

ده راح سهر طول الليل فى القهوه وده سهر طول الليل يصلى لربنا

والاتنين ناموا ده صحى نشيط الى سهر يصلى وفرحان

وده صحى مكتئب وقرفان من نفسه

واللى صحى نشيط وفرحان عبى شنطة حسنات وده عبى شنطة سيئات

وفى الاخر لا ده فاكر تعبه ولا ده فاكر لذته

حد منكوا فاكر العطش اللى عطشناه فى نهار رمضان

انا مش فاكر .. يبقى محدش مننا فاكر يا جماعه

كل حاجه بتروح وبيبقى الثواب او العقاب

'' كلا بل تحبون العاجله وتذرون الاخره '' سيبك منها الآخره دى

'' وجوه يوم اذن ناضره الى ربها ناظره '' الله يارب هنبقى منهم ؟؟

استنى متفرحش شوف النوع التانى

'' ووجوه يوم اذن عليها باسره تظن ان يفعل بها فاقره ''

مخسوف بيها وشه مخسوف من كتر الرعب الى هوه فيه '' تظن ان يفعل بها فاقره ''

فاقره عارفين يعنى ايه يا جماعه ؟؟ عارفين لما تيجى خبطه فى العمود الفقرى

تشل الانسان اهوه كده معتقد انه هيتشل هيتقيد هيتسلسل هيتغلغل

هيحصل فيه اى حاجه هيتشل مش هيقدر يعمل اى حاجه

طب ليه جاب الظن ده منين مهو شاف قدام عينه

اللى عملوا معاصى زى بتاعته بيتعمل فيهم ايه ؟؟

شاف واحد بيتجرجر على وشه لجهنم

وشاف واحد مقبوض عليه من الملايكه ورايح يعرض على الله

على وشه رعب لو اتوزع على وجه الكره الارضيه كلها يفيض

وشاف لسان من جهنم طلع خطف واحد ودخله تانى

وشاف واحد على الصراط قاعد يتعلق وهوه بيقع فى النار بيحاول يتعلق وفى الآخر وقع واترمى فى النار

وشاف واحد العرق بتاعه لجمه معدش عارف ينطق من الذنوب

وشاف واحد بيلف على واحد واحد فى ارض المحشر قاعد يتوسل اليه يديله حسنه واحده ومفيش حد راضى يديله حسنه

'' تظن ان يفعل بها فاقره '' الصدمه الكهربائيه التالته '' كلا اذا بلغت التراقى ''

مشهد الاحتضار يااااااااااه كان الواحد من فتره اول ما التزم المشهد ده بالذات اهوه اللى كان بيزلزل الواحد

كان الواحد يقعد يفكر كده يا ترى لما هاجى اموت هقدر اقول '' لا اله الا الله '' ولا لأ

ولما اجى اموت هندم على عمرى اللى فات ده ولا هبقى راضى عن عمرى اللى فات واللى عملته فيه

ولما اجى اموت اللى هينزلولى ملايكه بيض الوجوه بيض الثياب ولا سود الوجوه سود الثياب

ولما اجى اموت ملك الموت هينزع روحى زى ما ينزع السفود زى الصوف المبلول

يعنى فى قمة الصعوبه ولا روحى هتسيل زى القطره

ولما اجى اموت مين اللى هيصلى عليا

واحده متمكيجه المكياج بتاعها هيسيح من الحر

ونص اصحابى مش هيصلوا عليا لانهم مبيصلوش اصلا

ولا ناس ملتزمه وعارفه ربنا والدعوه بتاعتها مستجابه لما تدعيلى بالرحمه

ولما اجى اموووووت بعد تلت ساعات بس من موتى

هيبقى الحفره اللى اترميت فيها حفره من حفر النار ولا روضه من رياض الجنه



يا ترى يا جماعه لو فكرنا بالطريقه دى هنفضل زى ما احنا كده

'' كلا اذا بلغت التراقى '' ربنا بيجيبلك مشهد الموت فى الآخر ليه ؟؟

لان امرا هذا آخره حرى بأن يزهد فيه ده اخر الدنيا ده آخر القهوه ده اخر الجامعه

ده اخر الاختلاط ده اخر الحب الحرام ده اخر المعاصى ده اخر الشهوات

هيا دى اخرتها هيا دى اخرتها فعلا وما بقى كان اعظم

مشهد الصراط والبعث والقنطره والعرض على الله والطرد من على حوض النبى صلى الله عليه وسلم

كل المشاهد دى لسه مستنياك يوم القيامه '' كلا اذا بلغت التراقى. وقيل من راق ''

مين اللى هيطلع بروحك للسما مين ملايكة الرحمه ولا ملايكة العذاب

'' وظن انه الفراق '' خلاص هفارق كل حاجه هفارق الفلوس هفارق اصحابى هفارق البنات

والبنت دى اللى اديت ظهرى لربنا عشانها .. هفارق السجاير اللى كنت بسيب الصلاه

واطلع اشربها على السطح وانا سامع الاذان فى ودنى

وانتى هتفارقى اللى انتى بعدتى عن ربنا عشانه .. هفارق اصحابى معقوله

سيب من الوقتى اللى بيوصلك للمعصيه انك تعصى ربنا

سيب من الوقتى اللى بيملالك الهارد ديسك بتاعك كليبات وافلام اباحيه

سيب من الوقتى اللى بيديك اخر شريط تسمعه

سيب من الوقتى اللى بيبعدك عن ربنا

شفت اللمه دى كلها كل واحد هيروح لربنا لوحده ونتقابل تانى ونتجمع تانى يوم القيامه

بس ساعتها '' الاخلاء بعضهم لبعض يومئذ عدو '' عدو يعنى ايه ؟؟

يعنى الشله بتاعت الجامعه اللى كنت معاه فى الجامعه الصبح وبالليل فى القهوه

ويوم الجمعه الصبح مع بعض فى الرحله وفى الصيف فى المصيف

وفى لجنة الامتحانات قاعدين تغشوا من بعض تبقوا اعداء

طيب لو كنتوا بتطيعوا ربنا ؟؟ تبقوا حبايب وتشفعوا لبعض وتاخدوا ايديكوا فى ايد بعض

وانتوا داخلين الجنه يااااااااه يارب

'' وظن انه الفراق . والتفت الساق بالساق .الى ربك يومئذ المساق . فلا صدق ولا صلى ''

جايلك يارب وانا الرصيد بتاعى فاضى جايلك يارب وانا مشطب حسنات

جايلك يارب وانا ذنوبى جبال والحسنات بتاعتى حتة كومه صغيره جنبها

'' فلا صدق ولا صلى '' يا جماعه يا شباب '' ايحسب الانسن ان يترك سدى ''

ايحسب الشباب ان يتركوا سدى ايحسب البنات ان يتركن سدى

ايحسب الاباء والامهات ان يتركوا سدى

انتوا فاكرينها ايه فاكريننا نازلين من الجنه عشان رحله مختلطه زى رحلات يوم الجمعه

الصبح عشان نهزر مع بعض ونضحك مع بعض ونرجع الجنه تانى

فاكرينها فسحه فاكرينها نزهه دحنا عشان مقصد عشان هدف ربنا منزلنا هنا عليه

'' ان لم يكن نطفة من منى يمنى . ثم كان علقه ''

انا وانت وانتى كنا علقه كنا كل واحد مننا 2 مل وجايين الوقتى بنطنطط على الارض

هتكبروا على ايه وهتفرح بأيه

'' ثم كان علقة فخلق فسوى فجعل منه الزوجين الذكر والانثى. اليس ذالك بقادر على ان يحيى الموتى ''

مهوش قادر يعاقبك لو اغضبته .. مهوش قادر ؟؟ بلى قادر سبحانه وتعالى

هنفوق امتى يا جماعه هنفوق امتى من الغيبوبه اللى احنا فيها دى ؟؟

هنستعد لاول ليله فى القبر امتى ؟؟

هنستعد لاهوال يوم القيامه امتى ؟؟

هنشيل اشواك المعاصى من قلوبنا امتى ؟؟

ياجماعه هنفرّح ربنا بالتوبه الصادقه اليه امتى ؟؟

يا جماعه هنبقى محناش النفس اللوامه ونبقى النفس المطمئنه امته ؟؟

يا جمااااااااااعه امتى يا شباب ؟؟

والله الواحد مستغرب اللى مستنيه كل الاهوال دى ازاى يعيش حياته مطمن كده !!!

ازاى ميعملش حساب الكلام ده كله انا عايزة منكوا ايه يا جماعه

عايزين درس عملى على الكلام ده عايزة السوره بتاعت القيامه

السوره بتاعت (عايز بس مش قادر)

سورة كل واحد عايز ومش قادر

السوره دى بتاعته .. قوم الوقتى .. اقولك لا

لما تقوم قبل ما تنام بالله عليك بالله عليكى صلى ركعتين بسورة القيامه

قوله يارب انا بصليلك بيها عشان ترحمنى يوم القيامه وتبعد عنى نفسى اللوامه

عيطله .. ابكيله زى الطفل الصغير .. انا مش عارفة القلوب بقت غليظه كده ليه ؟؟

فى ناس ممكن تسمع كل الكلام ده وتقول الله كلام حلو وبعدين ولا اى حاجه

ونعيش ايامنا فى الطبيعى زى كل يوم ليه بنعد نتكلم عن النار ونلاقى القلوب لسه غليظه ليه

او نتكلم عن الجنه او عن حب الله معدش حاجه بتأثر فينا لييييييييييييييه ؟؟؟

خلاص شاكيرا نستنى ربنا والبنت الفلانيه فى الجامعه بقى اهتمامك بيها اكتر من ربنا

واهتمامك بشكلك ومكياجك اهم من ربنا ؟ خلاص استغنينا عن سكتك يارب

خلاص جنتنا فى الدنيا بقت الدش والكليبات والافلام ؟

خلاص الشلل واصحابنا والقهوه والكوفى شوبات والجامعه نسونا ربنا

يا جماعه ولا لسه فينا امل ولا لسه عايزين بس مش قادرين

عرض قلبك زى القلب اللى فى العنايه المركزه

الدكتور يدخل يعمله صدمات كهربائيه يفوقه عشان يقوم تانى

سورة القيامه بتفوق قلبك باربع شحنات كهربائيه ربانيه من عند الله

عشان قلبك يحى تانى الليله ان شاء الله كل واحد فينا وكل واحده فينا

كل واحد يصلى ركعتين لله بسورة القيامه ويقوله يارب

انا عايز بس مش قادر ومفيش امل غير فيك يارب

لسه برضه مش قااااااااااااااااااااااااااااادر ؟؟؟؟؟؟؟؟

اللهم اهدنا واهد بنا واجعلنا سبب لمن اهتدى

اللهم اجعل عملى خالصا لوجهك الكريم يارب

!!.....تفريغ محاضره للشيخ حازم شومان .....!!

اسفه على التطويل بس حسيت ان كل واحد لازم يقراه وربنا يهدينا كلنا يا رب ...اللهم امين

[jellly]

thaaaaaaanks