كام سؤال على الماشي كدة

[lidow]

السلام عليكم ورحمة الله و بركاته
كنت عايزاسأل الناس هنا كام سؤال في السريع كدة
أول حاجة انا دلوقتي في سنة تانية كلية تجارة انجليزي بس مش عارف اتعامل فيها خالص فشكلي كدة هحول واجيلكم علوم
انا ثانوية عامة دفعة2007 علمي رياضة بمجموع 91.9 % فهل ينفع ادخل علوم ولا ؟
تاني حاجة انا لو دخلت علوم عايز أدخل جيولوجيا ... أصل انا طول عمري و انا احب الجيولوجيا و الصخور و البراكين ... يعني من الآخر غاوي كوارث طبيعية ... فعايز أعرف قسم الجيولوجيا دا صعب ولا ابن حلال ؟؟؟ و و لما ربنا يكرمني و اتخرج إيه مجال العمل اللي ممكن اشتغله و محدش يقولي مدرس علوم عشان انا ممكن اتشل لو حد قالي مافيش غير مدرس علوم زي ما أهلي بيقولولي ..
المهم كفاية كدة و شكرا مقدماً

[jellly]

ما اعرفش اي حاجه عن شروط القبول و الاجراءات
بس على فكره علوم محتاجه جهد كبير جدا فكر كتير قبل ما تحول و دي حاجه ترجعلك لو بجد حابب اللي انت بتدرسه او هتدرسه هتسلك فيه و تحس انه سهل بس انا في رايي ان قسم الجلوجيا جميييييييييل و بياهل للشغل في شركات البترول و التنقيب وكده!ّ

[lidow]

بس متهيألي ان القسم اللي بيأهل لشركات البترول و الكلام ده هو القسم أيو 10,000 جنيه في السنة ... و انا عايز القسم ابو بلاش
وشكراً على الرد مع انه جاي بعد شهرين و نص

[jellly]

اول مره اسمع ان القسم ده ليه مصاريف بالمبلغ ده في السنه.....
ماعتقدش! لو كانت للشعبه دي مصاريف كانت على الاقل تكون معلن عنها في كتلب دليل الطالب!